Віцебскі плодаагароднінны камбінат плануе нарыхтаваць сёлета больш за 100 т пладоў і ягад

20 ліпеня, Віцебск /Сяргей Качатоў - БЕЛТА/. ААТ "Віцебскі плодаагароднінны камбінат" плануе нарыхтаваць у 2009 годзе больш за 100 т пладоў і ягад. Гэта дазволіць пашырыць асартымент кансерваў для дзіцячага харчавання, якія выпускаюцца, да больш чым 40 найменняў, а таксама значна павялічыць вытворчасць замарожанай прадукцыі, паведамілі карэспандэнту БЕЛТА на прадпрыемстве. У бягучым сезоне прадпрыемства ўжо завяршыла работу па клубніцах - нарыхтавана 16 т, актыўна ідзе нарыхтоўка маліны (нарыхтавана 2,3 т) і чарніц (5 т). Усяго ж камбінат плануе нарыхтаваць 26 т чарніц, а таксама чырвонай і чорнай парэчак (38,5 т), буякоў і брусніц (28,5 т) і іншых відаў сыравіны. У адпаведнасці з бізнес-планам камбінат у 2009 годзе мае намер выпусціць каля 4,3 млн. умоўных слоікаў (усл.), у тым ліку 3 млн. усл. кансерваў для дзіцячага харчавання. Рост аб'ёмаў вытворчасці будзе забяспечаны ў асноўным за кошт павелічэння выпуску дзіцячага харчавання, удзельная вага якога ў агульным аб'ёме складае каля 70% і будзе расці. Асноўны акцэнт прадпрыемства робіць на вытворчасці дзіцячага харчавання на аснове яблыкаў з даданнем натуральнай сыравіны, якая вырошчваецца ў Беларусі (вішні, слівы, моркву, журавіны, чорнаплодная рабіна, брусніцы і г.д.). У 2009 годзе камбінат пашырыць асартымент дзіцячага харчавання на аснове ягадных, пладовых і агароднінных пюрэ з 16 да больш чым 40 найменняў. Так, прадпрыемства ўжо прыступіла да паставак у гандлёвую сетку 15 новых відаў дзіцячага харчавання, яшчэ 6 навінак плануецца запусціць у вытворчасць у 3 квартале 2009 года. Акрамя таго, прадпрыемства плануе павялічыць вытворчасць замарожаных ягад у 3 разы ў параўнанні з мінулым годам. У студзені-чэрвені 2009 года камбінат вырабіў 1,65 млн. усл. слоікаў кансерваў і 1,2 млн. усл. дзіцячага харчавання на суму Br3,7 млрд. у супастаўных цэнах, тэмп росту аб'ёмаў вытворчасці склаў 190% да аналагічнага перыяду 2008 года. Віцебскі плодаагароднінны камбінат заснаваны ў 1993 годзе, у 2008 годзе прадпрыемства акцыянавана. Камбінат спецыялізуецца на выпуску шырокага асартыменту пладова-ягадных і агароднінных кансерваў, у тым ліку для дзіцячага харчавання, пюрэ паўфабрыкатаў, кансерваваных асептычным спосабам -0-