Віцебскі плодаагароднінны камбінат у студзені-маі павялічыў экспарт у 3,5 раза

26 чэрвеня Мінск /Таццяна Лобас - БЕЛТА/. ААТ "Віцебскі плодаагароднінны камбінат" за студзень-май экспартавала прадукцыі на $229 тыс., што ў 3,5 раза больш, чым за аналагічны перыяд мінулага года, паведаміў карэспандэнту БЕЛТА дырэктар прадпрыемства Расціслаў Гошка. Па папярэдніх даных, па выніках першага паўгоддзя экспарт перавысіць $320 тыс. На знешні рынак пастаўляюцца ў асноўным кансервы для дзіцячага харчавання і пюрэ-паўфабрыкат маркоўны ў асептычнай упакоўцы. Пастаўкі ажыццяўляюцца ў Расійскую Федэрацыю - у Маскву, Санкт-Пецярбург, Кастрому і Цвер. Нядаўна дасягнута дамоўленасць аб пастаўках у Калінінградскую вобласць. У мінулым годзе былі адгружаны пробныя партыі дзіцячага харчавання ў Казахстан. Там прадукцыя віцебскага камбіната спадабалася, і было прынята рашэнне аб стабільных пастаўках у бягучым годзе. У цяперашні час прапрацоўваецца таксама магчымасць аб адгрузцы дзіцячага харчавання ў Кыргызстан. Пробныя партыі пастаўлены ва Украіну. Для арганізацыі стабільных паставак ідзе праца па атрыманні дзяржаўнай гігіенічнай рэгістрацыі Украіны. Прапрацоўваюцца варыянты паставак дзіцячага харчавання ў Арменію, Азербайджан. За студзень-май бягучага года на прадпрыемстве выраблена 1,5 млн. умоўных слоікаў кансерваў для дзіцячага харчавання, што амаль у 1,7 раза больш, чым за аналагічны перыяд мінулага года. Да канца года плануецца вырабіць не менш за 3,9 муб кансерваў для дзіцячага харчавання, або на 40% больш. Вытворчасць дзіцячага харчавання стала асноўным напрамкам камбіната. Магутнасць цэха складае 7 млн. умоўных слоікаў у год. На прадпрыемстве ўкаранёна сістэма якасці на аснове прынцыпаў НАССР, якая распаўсюджваецца на ўвесь працэс вытворчасці і захоўванне кансерваў на пладаагародніннай аснове і пюрэ-паўфабрыкатаў для іх вытворчасці. Усе рэцэптуры дзіцячага харчавання для прадпрыемства распрацоўвае Навукова-практычны цэнтр па харчаванні НАН Беларусі. У цяперашні час асартымент прадукцыі кансервы для дзіцячага харчавання налічвае 50 найменняў, больш за палову з якіх - пладаагароднінныя пюрэ. У вытворчасці дзіцячага харчавання тэхнолагі робяць акцэнт на выкарыстанне натуральнай сыравіны, якая вырошчваецца ў Беларусі, на аснове яблыкаў і морквы з даданнем розных кампанентаў з пладоў і ягад - вішні, слівы, чарніцы, чорнай парэчкі, журавін, чорнаплоднай рабіны, брусніцы. Віцебскі пладаагароднінны камбінат заснаваны ў 1993 годзе, у 2008 годзе акцыянаваны. Прадпрыемства спецыялізуецца на выпуску пладова-ягадных і агароднінных кансервы для дзіцячага харчавання, пюрэ-паўфабрыкатаў, кансерваваных асептичным спосабам.-0-