Віцебскі тэатр «КОЛЕСО» рыхтуе прэм'еру

25 студзеня а 19.00 у канцэртнай зале «ВІЦЕБСК» адбудзецца форум-спектакль «КАТОК» народнага маладзёжнага тэатра «КОЛЕСА».

Усім зразумелае выраз «слізкая сітуацыя», у кожнага ёсць досвед «каровы на лёдзе», кожны «слізгаў»… І ўсё гэта аб’ядноўвае Яго вялікасць выпадак?

А калі мы з вамі паспрачаемся і дакажам, што выпадковасцей не бывае – кожны сам выходзіць на «лёд», а яшчэ і апранае «канькі»…

І вось ён, доўгачаканы момант – рызыка, кураж, адрэналін! Добра, калі гэта зіма, мароз і каток. А калі гэта жыццё, эмоцыі і жывыя людзі? Узнікаюць пытанні: навошта разганяцца, калі не ўмееш тармазіць? Хто залье каток? На катке як на катке ці ж?..

Як заўсёды, форум-спектакль не дае адказаў, а ставіць пытанні. Пытанні як малюнак на лёдзе ад вострых, падобных на лязо сітуацый і супярэчнасцей.

Такім чынам, прапануем вам паўдзельнічаць у форум-спектаклі маладзёжнага тэатра «КОЛЕСА». Менавіта паўдзельнічаць, бо форум-спектакль – інтэрактыўнае дзеянне, дзе ў гледача ёсць магчымасць не толькі прасякнуцца сюжэтам спектакля, але і паўплываць на яго развіццё.

І апошні аргумент, чаму вы павінны ўбачыць наш форум-спектакль «КАТОК». Мы, як заўсёды, нічога не прыдумлялі, а ўзялі сюжэты з жыцця і толькі адаптавалі іх для сцэны. Таму не выключана, што вы сустрэнецеся з кімсьці падобным на вашых сяброў, калег, сваякоў ці проста знаёмых. А мы ў сваю чаргу заўсёды рады сустрэчы з лепшым у свеце гледачом – гледачом, гатовым не толькі глядзець, але і дзейнічаць.

Квіткі ў касах горада і на www.kvitki.by

Заказ квіткоў: (8 0212) 42-65-91, (8 0212) 36-30-40