Віцебскі завод «Вістан» завяршыў мадэрнізацыю нямецкага станка для БелАЗа

Як паведаміў дырэктар прадпрыемства Дзмітрый Навацкі, купля новага станка абышлася б вядучаму вытворцу кар'ерных самазвалаў прыкладна ў 1 млн долараў, мадэрнізацыя – у разы танней. На абсталяванні адноўлены заводскія параметры, устаноўлена сістэма ЧПУ.

Слесар механазборачных работ Ігар Спірыдонаў адным з апошніх удзельнічаў у даводцы абсталявання. У свой час ён скончыў віцебскае ПТВ-96, працаваў на «Маналіце», «Эвістары», «Віцьбе», таксама мае спецыяльнасці наладчыка і рамонтніка. Апошнім часам працаваў у прыватнай кампаніі, зарабляў 1,5 тыс. руб. На «Вістан» прыйшоў паўгода таму. Тут атрымлівае крыху менш, але затое стабільна і без затрымак. А яшчэ Ігара задавольвае стаўленне кіраўніцтва прадпрыемства да супрацоўнікаў. Увогуле, на працу ён ідзе заўсёды з добрым настроем.

Па словах Дзмітрыя Навацкага, акрамя БелАЗа мадэрнізуюцца і будуюцца новыя станкі для МАЗа, МТЗ, «Гомсельмаша», «Магілёўліфтмаша» і іншых беларускіх прадпрыемстваў. Фрэзерныя, такарныя, шліфавальныя і свідравальныя станкі «Вістана» экспартуюцца ў Расію, Украіну, Казахстан, Балгарыю. Партфель заказаў пацверджаны кантрактамі і перадаплатай да красавіка 2022-га. Плануецца, што ў гэтым годзе будзе выраблена прадукцыі на суму 8,4 млн руб. (тэмп росту да 2020-га – каля 140%), а экспарт складзе 1,9 млн долараў, што амаль у два разы больш, чым летась.

Адзіная праблема – дэфіцыт кадраў. «Вістану» патрэбны слесары механазборачных работ, токары, фрэзероўшчыкі. Прадпрыемства вядзе працу з галоўным упраўленнем па адукацыі аблвыканкама і цэнтрам занятасці па арганізацыі курсаў перападрыхтоўкі кадраў. Добрасэрэбным і адказным людзям годнае заробкі забяспечаны.

 

"Віцебскія весці".