Віцебскае ТАА «ВВА «Энергакамплект» уключана ў пілотны праект па пастаўцы на вытворчасць кабельнай прадукцыі для БелАЭС

Ён дазволіць айчыннаму вытворцу адаптавацца да ўмоў бяспекі ў працы з заказчыкамі на адным з найважнейшых аб'ектаў Беларусі, а ў перспектыве выйсці і на іншыя аб'екты атамнай энергетыкі, якія ўзводзяцца расійскімі спецыялістамі-атамшчыкамі.

Праект рэалізуецца пад патранажам беларускіх міністэрстваў энергетыкі і прамысловасці, куратарам з расійскага боку выступае АТ «НіАЭП» (прадпрыемства карпарацыі «Росатам»), якое забяспечвае інфармацыйна-метадычную падтрымку. Яго сутнасць зводзіцца да навучання вытворцаў працэдуры ўваходжання ў рэестр пастаўшчыкоў атамнай галіны. У рамках праекта прадугледжаны правядзенне экспертыз абсталявання вытворцы, падрыхтоўка дакументальнага суправаджэння ўдзелу ў тэндарах на пастаўку, а таксама выкананне шэрагу іншых працэдур, неабходных для атрымання «Дазволу на прымяненне» – дакумента, які сведчыць бяспеку прадукцыі, эксплуатаванай на небяспечных аб'ектах.
Па словах генеральнага дырэктара прадпрыемства Андрэя Авко, гэта дасць магчымасць скараціць па часе падрыхтоўку да закупачных працэдур камплектуючых па II і III класах бяспекі для патрэб АЭС і ўдзельнічаць у іх беларускім вытворцам нараўне з расійскімі кампаніямі. Па ўмовах пілотнага праекта не прадугледжваецца заключэнне дагавораў на пастаўку прадукцыі. Зрэшты, дзякуючы ўдзелу ў ім «Энергакамплект» разлічвае падысці да моманту правядзення тэндарных таргоў максімальна падрыхтаваным, а якасць выпускаемай прадукцыі на прадпрыемстве дазваляе ўпэўнена канкураваць на еўрапейскім рынку.

Дарэчы, «Энергакамплект» ужо пастаўляе на будпляцоўку БелАЭС кабель напружаннем да 1 кВ, агульны аб'ём адгружаных партый ацэньваецца ў суму звыш 10 млрд рублёў. Гэта прадукцыя IV класа бяспекі агульнабудаўнічага прызначэння і выкарыстоўваецца пры пракладцы электрасетак для горада беларускіх атамшчыкаў, забеспячэння энергіяй вытворчых аб'ектаў, задзейнічаных на будпляцоўцы ў Астраўцы.

Сяргей Антонаў, "Віцебскія весці".