Віцебскае аддзяленне БЧ пачало акцыю бяспекі з размешчаных каля чыгункі школ

УП "Віцебскае аддзяленне БЧ" пачало праводзіць мерапрыемствы традыцыйнай перад школьнымі канікуламі прафілактычнай акцыі з вучняў віцебскіх школ, якія размешчаны ў непасрэднай блізкасці ад чыгуначнага палатна. Пра гэта паведамілі на прадпрыемстве. Беларуская чыгунка з 23 кастрычніка па 1 лістапада праводзіць ва ўсіх рэгіёнах краіны рэспубліканскую акцыю "Дзеці і бяспека" па прафілактыцы траўматызму.

Мерапрыемствы ўключаюць сустрэчы, гутаркі з дзецьмі розных узростаў і іх бацькамі, узмоцненае патруляванне на аб'ектах чыгункі. Віцебскае аддзяленне перш за ўсё арганізавала для вучняў СШ №№40, 45 горада (яны знаходзяцца побач з пуцямі) экскурсію ў лакаматыўнае дэпо. Работнікі прадпрыемства, распавядаючы аб прафесіі, працоўных буднях, не забываліся лішні раз згадаць аб правілах бяспечных паводзін на аб'ектах чыгункі. Бо нямала здараецца, што дзеці з названых школ гэтыя самыя правілы парушаюць.

На працягу астатніх дзён акцыі работнікі Віцебскага аддзялення, прадстаўнікі пярвічак БРСМ і прафсаюза наведаюць дзіцячыя сады і школы, раздадуць улёткі, налепкі і іншую прадукцыю з напамінамі аб бяспечных паводзінах. Таксама на асабліва небяспечных участках дарогі, у месцах частых несанкцыянаваных пераходаў пуцей будуць дзяжурыць дружыннікі прадпрыемства і супрацоўнікі Віцебскага АУСТ.

Кацярына Князева, БЕЛТА.