Віцебскай вобласці трэба больш увагі ўдзяляць вырошчванню кармавых культур - Мікалай Шарснёў
"Галоўны вынік нялёгкай працы ўсіх працаўнікоў вёскі - гарантаваная харчовая бяспека краіны, аснова для ўстойлівага развіцця аграрнага сектара эканомікі, павышэння дабрабыту людзей. Шчыра кажам - павага, гонар і слава нялёгкай сялянскай працы. Стан спраў у сельскай гаспадарцы Віцебшчыны, яго паспяховасць залежаць ад вытворчасці і рэалізацыі прадукцыі жывёлагадоўлі. Стабільная кармавая база, павелічэнне аб'ёмаў нарыхтоўкі травяных кармоў стала стратэгічным напрамкам развіцця раслінаводства ў бягучым годзе. Мы пашыраем плошчы шматгадовых траў, павялічваем удзельную вагу канюшыны, робім упор на збожжабабовыя культуры, тэхналагічнае вырошчванне кукурузы", - канстатаваў губернатар.
Падводзячы вынікі працы аграрыяў у бягучым годзе, Мікалай Шарстнёў падкрэсліў, што аб'ектыўную ацэнку вынікам працы працаўнікоў вёскі Віцебшчыны можна даць толькі з улікам умоў, у якіх гэтыя вынікі фарміраваліся.
Губернатар нагадаў, што пасяўная кампанія праходзіла ў найскладанейшых умовах надвор'я. У другой і трэцяй дэкадзе красавіка ў сярэднім па вобласці выпала амаль 2 месячныя нормы ападкаў, а па некаторых раёнах па 3 і 4 нормы. Гэта затармазіла работы. Цяжка было і на жніве. З сярэдзіны ліпеня да трэцяй дэкады жніўня практычна штодня ішлі дажджы. "У выніку вобласць страціла значную частку ўраджаю, валавы збор збожжа ва ўсіх катэгорыях гаспадарак склаў толькі 880 тыс. т", - адзначыў кіраўнік вобласці. "Разам з тым сабраны ва ўсёй вобласці ўраджай хлеба дазволіў выканаць дзяржаўны заказ, у поўным аб'ёме засыпаць насенныя фонды", - сказаў Мікалай Шарстнёў.
Губернатар таксама паведаміў, што ў вобласці ўжо запасена больш за 25 ц кармавых адзінак на ўмоўную галаву жывёлы, што на 20% вышэй за ўзровень мінулага года. А з улікам уборкі плошчаў кукурузы, што засталіся, у вобласці
"Нам неабходна забяспечваць галіну жывёлагадоўлі уласным танным бялком. Для гэтага трэба вырошчваць гарох, люпін і іншыя бабовыя ў чыстым выглядзе, - сказаў губернатар. - Танны уласны бялок - гэта залог зніжэння выдаткаў на канчатковую прадукцыю, якой з'яўляецца малако і мяса".
Гаворачы аб іншых сельскагаспадарчых культурах, старшыня аблвыканкама падкрэсліў, што ў апошнія два гады ў вобласці склалася станоўчая дынаміка вытворчасці бульбы - сярэдняя ўраджайнасць у мінулым і цяперашнім сезонах каля 280 ц/га. У бягучым годзе ў рэгіёне разлічваюць зарыхтаваць 35 тыс.т ільнотрасты (плюс 4 тыс.т да выніку 2015 года).
У сваім выступленні губернатар акцэнтаваў увагу і на такой важнай састаўляючай паспяховай вытворчасці, як тэхнічная аснашчанасць сельскагаспадарчых арганізацый. "Наша стратэгія - перайсці на сучасную высокапрадукцыйную тэхніку. Віцебшчыне, з улікам яе прыродна-кліматычных і глебавых умоў, як ніякой іншай вобласці важны тэрміны і якасць правядзення работ. Тым больш, што рэгіён ідзе па шляху канцэнтрацыі і укрупнення вытворчасці, стварэння інтэграцыйных структур і холдынгаў. Менавіта тут мы будзем фарміраваць усё новае і перадавое ў сельскагаспадарчай вытворчасці. За гэтым будучыня", - упэўнены Мікалай Шарстнёў.
Кіраўнік вобласці выказаў словы
шчырай падзякі ўсім, хто напружана працаваў на ўборачнай. Лепшым
працаўнікам вёскі і кіраўнікам уручаны прызы, грашовыя прэміі, падарункі і
дыпломы. Пераможцамі абласнога спаборніцтва за дасягненне высокіх паказчыкаў
на ўборцы ўраджаю збожжавых і зернебабовых культур у 2016 годзе сярод
сельскагаспадарчых арганізацый сталі: СПК "Ларынаўка" Аршанскага
раёна - 1-е месца, філіял "Гаряны-Агра" Полацкага раёна - 2-емесца, ААТ "Шайцерава" Верхнядзвінскага раёна - 3-е месца.
Алена Ціханава. Фота Аляксандра ХІТРАВА. БЕЛТА.