Уладзімір Андрэйчанка прыняў удзел у адкрыцці дзіцячага сада ў Глыбокім

Святочную падзею без перабольшвання можна назваць гістарычнай. Дашкольная ўстанова «Вішнёвая казка» названа ў гонар 5-гадовага юбілею міжнароднага «Вішнёвага фестывалю», які стартуе на наступным тыдні.

– Адкрыццё дзіцячага сада – доўгачаканае, прыемнае свята, – адзначыў Уладзімір Паўлавіч. – Можа, гэтая падзея носіць лакальны характар, але яна яскрава сведчыць аб дзяржаўнай палітыцы па падтрымцы падрастаючага пакалення. Пытанні выхавання, адукацыі, здароўя дзяцей заўсёды на асаблівым кантролі ў Прэзідэнта краіны, прадстаўнікоў выканаўчай, заканадаўчай улады.

Уладзімір Андрэйчанка падзякаваў кіраўніцтва вобласці і раёна, выказаў упэўненасць у тым, што ў новай дашкольнай установе дзеці атрымаюць годнае адукацыю, выхаванне, эстэтычнае і фізічнае развіццё.

Дырэктар УП «Упраўленне капітальнага будаўніцтва Глыбоцкага раёна» Віктар Якубёнак уручыў загадчыцы дзіцячага сада Таццяне Лазаранёк сімвалічны ключ ад «Вішнёвай казкі».

– Кажуць, што дзіцячы сад – асаблівая краіна, краіна дзяцінства, дзе пануюць радасць, весялосць, смех, – сказала Таццяна Лазаранёк. – Ад імя ўсяго калектыву, бацькоў і малышоў шчыра дзякуем нашага дэпутата Уладзіміра Андрэйчанку, старшыню аблвыканкама Мікалая Шарстнёва, старшыню райвыканкама Алега Мархата за такі цудоўны падарунак.

За апошнія 7 гадоў на ўскраіне горада ўзвялі 12 60-кватэрных дамоў. На працягу бліжэйшых гадоў плануецца будаўніцтва школы і яшчэ 8 дамоў. Сотні калясак і дзіцячы смех на гульнявых пляцоўках – найлепшы арыенцір для жыхароў райцэнтра, які мае шматвяковую гісторыю.

У дзень 600-годдзя горада, якое глыбачане адзначалі ў 2014 годзе, быў закладзены першы камень пад будаўніцтва дзіцячага сада. У агульнай складасці на яго ўзвядзенне, пачынаючы з вясны 2015 года, затрацілі каля 5,7 млн рублёў.

Адкрыццё «Вішнёвай казкі», разлічанай на 200 малышоў ранняга і дашкольнага ўзросту, дазволіла стварыць дзясяткі новых працоўных месцаў.

Ёсць гульнявыя кабінеты, гімнастычная, трэнажорная залы, басейн, камп'ютарны, музычны класы. У прасторным будынку хопіць месца для 11 дашкольных груп і аднаго класа, які будзе адносіцца да СШ №2. Будучыя першакласнікі ў дзень адкрыцця пазнаёміліся са сваёй першай настаўніцай, досвечаным педагогам СШ №2 Святланай Барысевіч.

Дзіяна БЕРНІКОВІЧ, фота аўтара. "Віцебскія весці".