Уладзімір Церанцьеў: "Беларусь павінна быць эканамічна магутнай, палітычна адзінай, для чаго ўсім нам неабходна нястомна працаваць, ствараць"

— Спачатку поделюся невялікім жыццёвым назіраннем. Да нядаўняга часу пры сустрэчах і развітаннях, на мерапрыемствах і збіраючыся за святочным сталом мы жадалі адзін аднаму, перш за ўсё, здароўя. Але ўжо з 2022 года на першае месца выйшла пажаданне міру, безаблачнага неба над галавой. Пасля пачатку спецыяльнай ваеннай аперацыі ў суседняя краіне мы па-іншаму сталі расстаўляць прыярытэты. І цяпер для нас значна важней мірнае неба, а здароўе адышло на другі план, нават нягледзячы на тое, што кавідная гісторыя наклала пэўны адбітак на наша светаўспрыманне.

Вобразным чынам кажучы, гэты пасыл ад кожнага з нас пачуў кіраўнік дзяржавы і аб'явіў 2023-ы Годам міру і стварэння. Так што гэта цалкам лагічна — усе нашы думкі сёння аб урачыстасці міру і згоды. Але пры гэтым не варта забываць, як пастаянна нагадвае і Прэзідэнт Беларусі, аб вядомай рымскай максіме наконт таго, што неабходна рабіць, калі хочаш міру… Менавіта таму ў кантэксце міралюбнай палітыкі нашай дзяржавы мы гаворым і аб стварэнні: краіна павінна быць эканамічна магутнай, палітычна адзінай, для чаго ўсім нам неабходна нястомна працаваць, ствараць.

І яшчэ дазволю асабісты аспект. Я не з'яўляюся гарачым заўзятарам, але ў апошні час кожную раніцу чакаю хакейных навін з-за акіяна: як згуляў «Вашынгтон Кэпіталз», забіў ці Аляксандр Авечкін і колькі шайб яму засталося закінуць каб стаць лепшым снайперам у гісторыі НХЛ. Прыклад гэтага вялікага спартсмена вельмі паказальны. Нягледзячы ні на што Аляксандр не змяняе свае палітычныя погляды. Хоць некаторым за акіянам гэта не падабаецца, да яго вымушаны прыслухоўвацца і прымаць яго такім які ён ёсць. Таму што ён наймацнейшы. І яго паважаюць.

Так і ў нашым выпадку. Трэба ствараць моцную дзяржаву, важна будаваць магутную Беларусь з моцнай эканомікай і адзіным грамадствам, высокай якасцю жыцця, інакш з табой не будуць лічыцца. Таму мір і стварэнне – паняцці ўзаемадапаўняльныя.

"Віцебскія весці", фота СБ