Увага, абітурыенты і іх бацькі! Чарговы стрым НЦПІ прысвячаецца новым правілам паступлення. Далучайцеся і задавайце пытанні!
27 студзеня 2022 г. выдадзены Указ Прэзідэнта Рэспублікі Беларусь № 23, якім скарэкціраваны Правілы прыёму асоб для атрымання вышэйшай адукацыі I ступені і сярэдняй спецыяльнай адукацыі, Правілы прыёму асоб для атрымання агульнай вышэйшай і спецыяльнай вышэйшай адукацыі і Правілы прыёму асоб для атрымання сярэдняй спецыяльнай адукацыі.
Раз'ясніць важныя новацыі напярэдадні гарачай пары паступлення ў ВНУ і ССНУ НЦПІ запрасіў начальніка Галоўнага ўпраўлення прафесійнай адукацыі Міністэрства адукацыі Сяргея Касперовіча.
У прамым эфіры Сяргей Антонавіч раскажа:
- як у 2022 годзе будзе арганізавана і праведзена ЦТ;
- якія асаблівасці прыёму ва ўстановы вышэйшай і сярэдняй спецыяльнай адукацыі трэба ўлічыць абітурыентам гэтага года;
- да чаго варта падрыхтавацца тым, хто плануе стаць студэнтам у 2023 годзе;
- аб новых спецыяльнасцях, адкрытых ва ўстановах адукацыі ў 2022 годзе.
Спікеру можна задаць пытанні! Накіроўвайце іх нам па адрасе ncpionline@ncpi.gov.by да 11.00 26 мая. Эксперт адкажа падчас эфіру.
Далучайцеся да прамой трансляцыі – будзе шмат карыснай інфармацыі!