Падчас акцыі "Права на службу людзям" больш за 750 жыхароў Беларусі атрымалі бясплатныя кансультацыі

Падчас сумеснай акцыі Міністэрства юстыцыі Беларусі, Беларускай натарыяльнай палаты і Рэспубліканскай калегіі адвакатаў "Права на службу людзям", якая прайшла з 25 красавіка па 5 мая і была прысвечана 70-годдзю Перамогі ў Вялікай Айчыннай вайне, больш за 750 жыхароў Беларусі атрымалі бясплатныя кансультацыі досве1дных спецыялістаў. Пра гэта карэспандэнту БЕЛТА паведамілі ў прэс-службе Мінюста.

"Асабліва запатрабаванымі сталі кансультацыі юрыстаў па пытаннях грамадзянскага, жыллёвага, працоўнага, сямейнага, зямельнага права. Паляпшэнне жыллёвых умоў, прыватызацыя жылых памяшканняў дзяржаўнага фонду, высяленне былых членаў сям'і па патрабаванні ўласніка, рэгістрацыя па месцы жыхарства, раздзел агульнай сумеснай уласнасці муж і жонкі, аліментныя абавязацельствы, афармленне шлюбных дагавораў, перадача спадчынных правоў - гэтыя пытанні часцей за ўсё цікавілі тых, хто звярнуўся", - распавялі ў прэс-службе.

Падчас акцыі ветэраны Вялікай Айчыннай вайны маглі звяртацца па тэлефоне з папярэдняй заяўкай аб аказанні прававой кансультатыўнай дапамогі з наступным наведваннем іх на доме. Такой паслугай скарысталіся 19 ветэранаў, у тым ліку двое з Мінска.