Выхаванне патрыятызму павінна стаць прыярытэтам моладзевай палітыкі - заслужаны настаўнік Беларусі

22 красавіка, Віцебск /Дзіяна Курыло - БЕЛТА/. Выхаванне патрыятызму і прылучэнне да духоўных каштоўнасцей павінны стаць прыярытэтамі маладзёжнай палітыкі. Такую думку выказаў у гутарцы з карэспандэнтам БЕЛТА заслужаны настаўнік Беларусі, член савета спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў, дырэктар Лужаснянскай школы-інтэрната-гімназіі Уладзімір Шыцько, каментуючы Пасланне Прэзідэнта беларускаму народу і Нацыянальнаму сходу. "Мы павінны даць дзецям не толькі веды па прадметах, але і абавязаны навучыць іх быць адданымі сваёй краіне і народу. У гэтым заключаецца залог паспяховай будучыні Беларусі", - канстатаваў вядомы віцебскі педагог. Ён са шкадаваннем адзначыў, што матэрыяльныя каштоўнасці ў маладога пакалення сталі пераважаць над духоўнымі, інфантылізм усё часцей становіцца адметнай рысай характару юнакоў і дзяўчат. І віна за гэта ляжыць, у тым ліку, і на школе. На думку Уладзіміра Шыцько, педагогам разам з бацькамі трэба больш адказна падыходзіць да выхаваўчай працы з дзецьмі. "Настаўнікі сталі баяцца рабіць заўвагі дзецям таму, што гэта нібыта парушае нейкія асабістыя свабоды. Бацькі сталі негатыўна ўспрымаць парады педагогаў па карэкціроўцы паводзін сваіх дзяцей. А бо яны толькі разам могуць пасеяць у неакрэпшыя дзіцячыя душы збожжа дабра і стварэння і выгадаваць яго", - упэўнены суразмоўца. Эмацыянальнае і шчырае пасланне кіраўніка дзяржавы выклікала жывы водгук у педагагічным калектыве гімназіі. "Яно сугучна нашым імкненням выхаваць шчырых патрыётаў і пісьменных спецыялістаў для моцнай Беларусі", - падкрэсліў Уладзімір Шыцько. Лужаснянская школа-інтэрнат гімназія для адораных і таленавітых дзяцей створана 16 гадоў таму. За гэты час яе скончылі 1041 навучэнец, з іх 1022 паступілі ў вышэйшыя навучальныя ўстановы Беларусі і за яе межамі, у тым ліку 175 выпускнікоў вырашылі звязаць сваё жыццё з беларускім войскам. Гімназісты - пастаянныя ўдзельнікі рэспубліканскіх і міжнародных прадметных алімпіяд. За час працы гімназіі яны заваявалі 176 прызавых дыпломаў рэспубліканскіх алімпіяд, у тым ліку 7 у бягучым годзе. З міжнародных алімпіяд лужаснянскія выхаванцы прывезлі 12 найвышэйшых узнагарод.-0-