Выхаванцы ДЮСШ Беларусі спаборнічаюць у лыжных гонках на новым трасе ў Гарадку
На базе новай лыжаролернай трасы ва ўрочышчы Вераб'ёвы горы ў Гарадку пачаліся спаборніцтвы рэспубліканскай спартакіяды дзіцяча-юнацкіх спартыўных школ па лыжных гонках, паведаміў карэспандэнту БЕЛТА дырэктар Гарадоцкай ДЮСШ Віктар Бабкоў.
Спаборніцтвы праходзяць у два этапы. У першым, які стартаваў 7 лютага і працягнецца два дні, удзельнічаюць юнакі і дзяўчаты 1998-2001 гадоў нараджэння. Другім этапам, які запланаваны на 18-22 лютага, стане моладзевае першынство сярод юніёраў, гэта значыць спартсменаў 1995-2000 гадоў нараджэння. Сёння юным лыжнікам, якія з'ехаліся ў Гарадок з усёй краіны, трэба будзе прабегчы па 5 км класікай і каньком.
"Хлопцы прыехалі напярэдадні, размясціліся. І ўсе ўжо паспелі ацаніць нашу новую трасу. Зараз яна эксплуатуецца на поўную моц. Тут праходзілі адборы на моладзевыя алімпійскія гульні і чэмпіянат свету, абласныя этапы. І так кожны дзень - трэніроўкі, зборы каманд, нават суседніх Магілёўскай і Мінскай абласцей, спаборніцтвы. Традыцыйнае абласное мерапрыемства "Віцебская лыжня", якое заўсёды праводзілася ў Віцебску, у гэты раз адбудзецца ў Гарадку", - адзначыў Віктар Бабкоў.
Адначасова з лыжнымі стартамі ў Вераб'ёвых горах на базе трасы Наваполацкага дзяржаўнага вучылішча алімпійскага рэзерву праходзіць рэспубліканская спартакіяда школьнікаў па біятлоне. Увогуле, падрастаючыя заваёўнікі алімпійскіх вышынь на лыжні сабраліся ў гэтыя выхадныя на Віцебшчыне.
Кацярына Князева