Узбуджана крымінальная справа за парушэнне правілаў аховы працы на Аршанскім мясакансервавым камбінаце

Следчыя распачалі крымінальную справу па факце парушэнняў правілаў аховы працы на Аршанскім мясакансервавым камбінаце, у выніку якіх пацярпелі 5 чалавек, паведамілі ў Следчым камітэце.

Як стала вядома, пры стэрылізацыі гатовай прадукцыі ў аўтаклаве адбыўся зрыў вечка з выкідам пары, вады, а таксама металічных слоікаў з кансерваванай прадукцыяй прадпрыемства. Гэта стала прычынай прычынення цялесных пашкоджанняў пяці работнікам, якія знаходзіліся ў непасрэднай блізкасці ад аўтаклава. Пацярпелі 50-гадовы мужчына і чатыры жанчыны ва ўзросце ад 31 года да 55 гадоў. Цяпер два чалавекі знаходзяцца ў рэанімацыі, адзін з іх - у цяжкім стане.

Следчыя правялі паўторны агляд месца інцыдэнту, вынялі механізмы кантролю ціску і тэмпературы аварыйнага скіду пары. Для высвятлення аб'ектыўнай карціны інцыдэнту дапытваюцца сведкі, вывучаецца тэхнічная дакументацыя.

УСК па Віцебскай вобласці распачало крымінальную справу па ч.1 арт.306 (парушэнне правілаў аховы працы) КК. Асаблівая ўвага будзе нададзена высвятленню прычын і ўмоў, якія спрыялі таму, што адбылося.