Змены і дапаўненні ў Закон Рэспублікі Беларусь «Аб Дзяржаўнай мяжы Рэспублікі Беларусь» уступаюць у дзеянне

У прыватнасці, па парадку ўезду (уваходу), часовага знаходжання і перамяшчэння ў пагранічнай зоне. Грамадзяне Рэспублікі Беларусь, замежныя грамадзяне і асобы без грамадзянства, якія пастаянна пражываюць у Рэспубліцы Беларусь, не дасягнулі 14-гадовага ўзросту пры ўездзе, знаходжанні і перамяшчэнні ў пагранічнай зоне, абавязаны будуць мець пры сабе пасведчанне аб нараджэнні або дакумент, які сведчыць асобу. Фізічныя асобы, з ліку грамадзян Рэспублікі Беларусь, замежных грамадзян і асоб без грамадзянства, якія пастаянна пражываюць у Рэспубліцы Беларусь пры знаходжанні ў пагранічнай зоне абавязаны мець пры сабе дакументы, якія сведчаць асобу.

Грамадзяне Рэспублікі Беларусь, замежныя грамадзяне і асобы без грамадзянства, якія не пражываюць у пагранічнай зоне і ў адпаведнасці з заканадаўствам не вызваленыя ад выплаты дзяржаўнай пошліны, дадаткова павінны мець пры сабе і дакумент, які пацвярджае выплату дзяржаўнай пошліны, памер якой застаецца нязменным і складае 0,2 базавых велічыні.

Акрамя таго, змяніўся і парадак знаходжання аўтатранспартных сродкаў у межах пагранічнай зоны. Так, у адпаведнасці са зменамі заканадаўства, цяпер забараняецца пакідаць механічныя транспартныя сродкі па-за населенымі пунктамі, размешчанымі ў пагранічнай зоне, без паведамлення найбліжэйшага падраздзялення органаў пагранічнай службы. У выпадку паломкі механічнага транспартнага сродку фізічная асоба, якая кіруе ім і пражывае ў межах пагранічнай зоны, абавязана прыняць меры да яго эвакуацыі ў населены пункт па месцы жыхарства. Фізічная асоба, якая не пражывае ў пагранічнай зоне, у найкаротшыя тэрміны, абавязана прыняць меры да эвакуацыі няспраўнага транспартнага сродку за яе межы.

Ва ўсіх іншых выпадках механічны транспартны сродак, выяўлены органамі пагранічнай службы ў межах пагранічнай зоны (паласы) падлягае прымусовай адбуксіроўцы (эвакуацыі) і размяшчэнню на ахоўнай стаянцы або адбуксіроўцы без размяшчэння на ахоўнай стаянцы ў парадку, прадугледжаным заканадаўствам Рэспублікі Беларусь.

Змены закранулі і парадак захоўвання і перамяшчэння тавараў у памежнай зоне і памежнай паласе.

З 23-га ліпеня бягучага года ўводзіцца забарона на перамяшчэнне, захоўванне ў межах названай тэрыторыі тавараў у выпадках, устаноўленых заканадаўчымі актамі Рэспублікі Беларусь. У сувязі з гэтым, Кодэкс Рэспублікі Беларусь аб адміністрацыйных правапарушэннях дапоўнены нормай, згодна з якой перамяшчэнне і захоўванне фізічнымі асобамі і індывідуальнымі прадпрымальнікамі, якія не маюць права на аптовы, рознічны гандаль у межах памежнай зоны або паласы тытунёвых вырабаў у колькасці больш за тысячу цыгарэт і больш за тысячу грамаў тытуню пры адсутнасці прыкмет незаконнай прадпрымальніцкай дзейнасці, пацягнуць за сабой адміністрацыйнае спагнанне ў выглядзе штрафу ў памеры ад дзесяці да пяцідзесяці базавых велічынь з канфіскацыяй прадметаў адміністрацыйнага правапарушэння.

Фізічныя асобы, якія знаходзяцца ў памежнай паласе на падставе пропускаў на права ўезду (уваходу), часовага знаходжання і перамяшчэння ў памежнай паласе, абавязаны будуць паведамляць органам памежнай службы аб вядомых ім фактах падрыхтоўваемых, якія здзяйсняюцца або ўжо здзейсненых парушэннях заканадаўства Рэспублікі Беларусь аб Дзяржаўнай мяжы, прычынах і ўмовах, якія спрыяюць іх здзяйсненню.

Акрамя таго, пашыраны паўнамоцтвы ваеннаслужачых, службовых асоб мытных органаў і супрацоўнікаў органаў унутраных спраў, якія выконваюць задачы па ахове Дзяржаўнай мяжы Рэспублікі Беларусь па прымяненні зброі ў дачыненні да правапарушальнікаў і прадухіленні супрацьпраўнай дзейнасці на Дзяржаўнай мяжы.

Ужосточаецца адказнасць за парушэнне Дзяржаўнай мяжы Рэспублікі Беларусь.

Згодна з арт. 23.29 Кодэкса Рэспублікі Беларусь аб адміністрацыйных правапарушэннях «Наўмыснае незаконнае перасячэнне Дзяржаўнай мяжы Рэспублікі Беларусь» з 23 ліпеня бягучага года будзе павялічаны памер штрафу да 100 базавых велічынь (у цяперашні час – да 50 базавых велічынь).

Дапаўняецца пералік адміністрацыйных праступкаў, за здзяйсненне якіх адміністрацыйную адказнасць будзе несці пасобнік нараўне з выканаўцам. Калі раней пасобнік прыцягваўся да адміністрацыйнай адказнасці толькі за парушэнне Дзяржаўнай мяжы (арт.23.29 КоАП Рэспублікі Беларусь) і парушэнне рэжыму Дзяржаўнай мяжы (арт.23.31 КоАП Рэспублікі Беларусь), то цяпер такая асоба будзе прыцягвацца да адміністрацыйнай адказнасці і за парушэнне памежнага рэжыму (арт.23.30 КоАП Рэспублікі Беларусь).

У пунктах пропуску праз Дзяржаўную мяжу Рэспублікі Беларусь будзе забаронена:

весці фота- і відэаздымку;

весці размовы па мабільных сродках сувязі, якія перашкаджаюць ажыццяўленню памежнага і іншых відаў кантролю;

пакідаць грашовыя сродкі ў дакументах, якія прад'яўляюцца для праверкі;

здзяйсняць дзеянні, накіраваныя на падбухторванне супрацоўнікаў (службовых асоб) дзяржаўных кантрольных органаў да парушэння ўстаноўленага парадку ажыццяўлення памежнага і іншых відаў кантролю, у тым ліку прапаноўваць і (або) перадаваць ім якія-небудзь матэрыяльныя каштоўнасці, прапаноўваць і (або) прадастаўляць выгады маёмаснага характару;

пранікаць на тэрыторыю пункта пропуску ў парушэнне ўстаноўленага парадку;

знаходзіцца на тэрыторыі пункта пропуску без дакументаў, неабходных для ўезду ў Рэспубліку Беларусь і (або) выезду з Рэспублікі Беларусь;

уносіць (увозіць) на тэрыторыю пункта пропуску зброю, выбуховыя рэчывы, выбуховыя прылады або іншыя прадметы, якія ўяўляюць небяспеку для жыцця або здароўя супрацоўнікаў (службовых асоб) дзяржаўных кантрольных органаў, іншых фізічных асоб, без дазволу супрацоўнікаў органаў памежнай службы.

Будучыя змены ў заканадаўстве Рэспублікі Беларусь аб Дзяржаўнай мяжы і павелічэнне мер адказнасці грамадзян за невыкананне яго патрабаванняў накіраваны на павышэнне ўзроўню памежнай бяспекі і абароны эканамічных інтарэсаў Рэспублікі Беларусь.

Полацкі пагранічны атрад