Другі ў вобласці тэхнічны цэнтр па падрыхтоўцы работнікаў АПК створаць на базе Высокаўскага прафліцэя
Больш за 100 юнакоў і дзяўчат – кваліфікаваных трактарыстаў-машыністаў, слесараў, кіроўцаў, аператараў птушкафабрык, кухараў – ужо праз месяц прыступяць да працы ў філіяле «Цеплічны» РУП «Віцебскэнерга», ААТ «Маяк Высокае», «Александрыйскае», ААТ «Арэхаўскі льнозавод» і інш. Гэтыя прадпрыемствы – лепшыя ў сваёй сферы.
– Маладыя спецыялісты павінны атрымліваць першы працоўны вопыт толькі на перадавых прадпрыемствах, – падкрэсліў кіраўнік вобласці. Там, дзе ёсць годныя ўмовы і заработная плата. Сёння мы выбудоўваем ёмістую праграму пераўзбраення сельскай гаспадаркі. Яна – у інавацыйных падыходах і працы на перспектыву.
Гаворачы аб новых падыходах у АПК, Мікалай Шарснёў акцэнтаваў увагу выпускнікоў на граматным спалучэнні тэорыі з практыкай.
– Галіна пераўзбройваецца, – сказаў ён. – І гэта закранае не толькі прадпрыемствы, але і навучальныя ўстановы – кавальні кадраў. Што ёсць тэорыя, не падмацаваная практыкай? Па вялікім рахунку, нішто. Таму мы і вучымся сёння працаваць у адзінай звязцы з навукай. Прыклад таму – стварэнне на базе навучальных устаноў тэхнічных цэнтраў з сучаснымі трэнажорамі, стэндамі, машынамі. Першы такі ўжо ствараецца на базе Гарадоцкага прафесійна-тэхнічнага каледжа сельгасвытворчасці, другі будзе тут, у Высокім.
Вывесці сельскую гаспадарку Аршанскага раёна на прынцыпова новы ўзровень – такая адна з мэт эканамічнай перазагрузкі, якую планамерна праводзіць кіраўніцтва Віцебскай вобласці і мясцовая ўлада. З ходам выканання пастаўленых перад Аршаншчынай задач Мікалай Шарснёў азнаёміўся падчас нядаўняй паездкі ў рэгіён.