ВЫБАРЫ-2015. Колькасць акрэдытаваных у Віцебскай вобласці нацыянальных назіральнікаў за тыдзень вырасла ў 4 разы

За мінулы тыдзень колькасць нацыянальных назіральнікаў, акрэдытаваных у тэрытарыяльных камісіях па выбарах Прэзідэнта ў Віцебскай вобласці, павялічылася ў 4 разы да 684 чалавек, паведамілі ў абласной камісіі.

Па аператыўных даных, на 7 верасня ў рэгіёне ў якасці назіральнікаў зарэгістраваны 684 чалавекі, тыдзень таму (2 верасня) было 170.

Цяпер найбольшая колькасць назіральнікаў акрэдытавана ўчастковымі камісіямі - 564 чалавекі, раённымі - 85, а таксама ў Віцебску раённымі камісіямі - 27, у Наваполацку гарадской камісіяй - 5 чалавек, акрэдытацыю абласной камісіі атрымалі 3 назіральнікі.

Пры гэтым абсалютная большасць вылучэнцаў складаюць прадстаўнікі грамадскіх аб'яднанняў - 595 чалавек. Найбольш актыўна на гэтым этапе вылучаюць назіральнікаў Федэрацыя прафсаюзаў Беларусі (196 чалавек), Беларускі рэспубліканскі саюз моладзі (137 чалавек), Беларускае грамадскае аб'яднанне ветэранаў (136 чалавек), "Белая Русь" (70 чалавек). Сваіх прадстаўнікоў для назірання за выбарамі дэлегуюць Беларускі саюз жанчын, РГА "Беларускі Хельсінкскі камітэт" і іншыя грамадскія аб'яднанні. Палітычныя партыі вылучылі ў назіральнікі 39 сваіх прадстаўнікоў (38 ад Камуністычнай партыі Беларусі, адзін ад Рэспубліканскай партыі працы і справядлівасці), працоўныя калектывы вылучылі 36 чалавек, ад грамадзян шляхам падачы заяў акрэдытавана 14 чалавек.

Алена Ціханава, БЕЛТА.