Вывесьці свінаводзтва на належны ўзровень у Віцебскай вобласці плануецца за пяць гадоў – Мікалай Шарснёў (абнаўленне)
Вывесці свінаводства на належны ўзровень у Віцебскай вобласці плануецца на працягу пяці гадоў. Аб гэтым заявіў сёння журналістам старшыня Віцебскага аблвыканкама Мікалай Шарснёў на адкрыцці новага аграпрадпрыемства "Белдан".
"Задача стаіць не больш чым за пяць гадоў вывесці свінаводчую галіну Віцебскай вобласці на абсалютна сучасны ўзровень. Прычым гэты шлях павінен быць кароткім і малазатратным", - падкрэсліў кіраўнік вобласці.
Пабудаваць неабходную колькасць новых комплексаў, на яго думку, наўрад ці атрымаецца з-за занадта высокіх затрат. "Мы пойдзем іншым шляхам. Трэба пабудаваць некалькі свінарэпрадуктараў, перафарматаваць існуючую вытворчасць і перапрафіляваць яе пад адкормачную базу. Такім чынам мы вырашым шэраг ветэрынарных праблем і зможам атрымаць у два разы больш свініны", - адзначыў губернатар.
Па некаторых праектах дакументацыя практычна гатовая. На стадыі фарміравання фінансаванне. Першы крок - адкрыццё аграпрадпрыемства "Белдан" - ужо зроблена.
З поўным уводам у эксплуатацыю калектыў прадпрыемства павіншаваў старшыня праўлення Банка развіцця Беларусі Сяргей Румас. Ён падкрэсліў, што місія Банка развіцця заключаецца ў фінансаванні буйных інавацыйных праектаў, якія змогуць змяніць эканоміку Беларусі.
Аграпрадпрыемства па вытворчасці дацкай беконнай свініны ў Талачынскім раёне - адзін з такіх яркіх прыкладаў. "Гэта прадпрыемства працуе на поўную магутнасць усяго паўгода, але ўжо сёння дае 8% валавай вытворчасці свіней у Віцебскай вобласці. І гэта не мяжа. Мы як фінансуючы банк задаволены ходам рэалізацыі дадзенага праекта, бачым, што ўсе першапачатковыя паказчыкі бізнес-плана выконваюцца, абслугоўванне крэдыту ідзе ў тэрмін, і не сумняваемся, што гэты праект для інвестара будзе паспяховым", - заявіў Сяргей Румас.
Ён звярнуў увагу, што Банк развіцця актыўна будуе прадпрыемствы ў аграпрамысловым комплексе, прамысловасці па ўсёй Беларусі. У Віцебскай вобласці з яго фінансавай падтрымкай былі адкрыты тры новыя сучасныя малочна-таварныя фермы. Таксама Банк развіцця ўклаў сродкі ў рэканструкцыю Глыбоцкага малочна-кансервавага камбіната, шэраг праектаў у прамысловасці. Найбуйнейшы крэдыт у партфелі Банка развіцця выдадзены на рэканструкцыю ААТ "Нафтан". І сёння ў працы ў нас знаходзіцца шмат праектаў, дадаў старшыня праўлення банка.