Гаспадаркі Віцебскай вобласці маюць намер на працягу дзесяці дзён завяршыць сяўбу азімых

16 верасня, Віцебск /Сяргей Кочатаў - БЕЛТА/. Гаспадаркі Віцебскай вобласці пасеялі азімыя збожжавыя культуры на 117 тыс. га, што складае каля 61% запланаваных плошчаў, паведамілі карэспандэнту БЕЛТА ў камітэце па сельскай гаспадарцы і харчаванні аблвыканкама. Блізяцца да завяршэння пасяўныя работы ў Аршанскім раёне, дзе паводле даных на 16 верасня пасеяна азімымі каля 80% плошчаў, крыху саступаюць па тэмпах перадавому раёну гаспадаркі Чашніцкага (77%) і Бешанковіцкага (76%) раёнаў. Акрамя таго, у вобласці ўзаралі пад азімую сяўбу 169 тыс. га, што складае 87% запланаваных плошчаў. З улікам спрыяльных умоў надвор'я, якія складаюцца, перад гаспадаркамі пастаўлена задача на працягу 10 дзён пасеяць усю збожжавую групу. Для гэтага неабходна перайсці на двухзменны рэжым працы на энергонасычаных трактарах, а таксама максімальна задзейнічаць наяўныя ў вобласці пасяўныя агрэгаты, у тым ліку льнозаводаў. У вобласці таксама працягваецца ўборка яравога рапсу, пад якім занята звыш 19 тыс. га зямель. Паводле даных на 16 верасня, убрана каля 78% плошчаў, намалочана 18 тыс. т алеістай культуры. -0-