Гаспадаркі Віцебскай вобласці пераадолелі мяжу па намалоце 100 тыс. т збожжа новага ўраджаю

22 ліпеня, Віцебск /Сяргей Кочатаў - БЕЛТА/. Гаспадаркі Віцебскай вобласці пераадолелі мяжу па намалоце 100 тыс. т збожжа новага ўраджаю, паведамілі карэспандэнту БЕЛТА ў камітэце па сельскай гаспадарцы і харчаванні аблвыканкама. Паводле даных на 22 ліпеня, у вобласці ўбрана 42,5 тыс. га пасяўных плошчаў, што складае 9,4% збожжавага кліну. Намалочана 120,1 тыс. т збожжа пры сярэдняй ураджайнасці 28,3 ц/га. Пакуль у дзень скошваецца ў сярэднім каля 3% плошчаў, у асноўным гаспадаркі вядуць уборку азімай пшаніцы і выбарачна ячменю і яравой пшаніцы. Пры масавым падыходзе яравых культур тэмпы ўборкі будуць нарастаць да 5%-7% плошчаў у суткі, адзначылі спецыялісты. Найбольш актыўна ўключыліся ва ўборачную кампанію гаспадаркі Аршанскага раёна, дзе ўжо ўбрана 15,3% пасяўных плошчаў, намалочана 21,3 тыс. т збожжа пры ўраджайнасці 37,1 ц/га. У ліку лідараў на ўборцы таксама Бешанковіцкі (скашана 14% плошчаў, намалочана 7,9 тыс. т) і Дубровенскі (12,6%, 10,8 тыс. т) раёны. Ураджайнасць у гэтых раёнах вышэй за сярэднеабласную і складае больш за 30 ц/га. Чатыры раёны вобласці завяршылі ўборку азімага рапсу. Усяго ў вобласці ўбрана 40,3 тыс. га, адведзеных пад гэту культуру, што складае каля 90% да плана. Намалочана 47 тыс. т алею рапсу пры сярэдняй ураджайнасці 11,7 ц/га. У вобласці працягваецца нарыхтоўка кармоў другім укосам траў. Паводле даных на 22 ліпеня, усяго нарыхтавана каля 717 тыс. т кармавых адзінак, забяспечанасць кармамі ў разліку на ўмоўную галаву складае 15,5 ц кармавых адзінак.