Мастацкія калектывы з сямі краін прымуць удзел у фестывалі песні і музыкі Падняпроўя ў Дубровне

22 чэрвеня, Віцебск /Дзіяна Курыло – БЕЛТА/. Мастацкія калектывы і выканаўцы з Беларусі, Латвіі, Літвы, Расіі, Сербіі, Украіны, Эстоніі прымуць удзел у ХІХ Міжнародным фестывалі песні і музыкі Прыдняпроўя Расіі, Беларусі і Украіны “Дняпроўскія галасы ў Дубровне”, паведамілі карэспандэнту БЕЛТА ў Дубровенскім райвыканкаме. Фестываль пачнецца 22 чэрвеня, і яго ўдзельнікі ўшануюць памяць загінулых у гады Вялікай Айчыннай вайны на мітынгу-рэквіеме на мемарыяльным комплексе “Рыленкі”. Увечары ў раённым доме культуры пройдзе “Ад нас, не бачыўшых вайны”, дзе прагучаць песні ваенных гадоў. Дзень смутку завершыцца факельным шэсцем і цырымоніяй запальвання і спуску на ваду свечак і гірлянды памяці. На працягу двух наступных дзён горад ператворыцца ў велізарную сцэнічную пляцоўку. На ёй знойдзецца месца не толькі музыкантам і танцорам, але і мастакам, і майстрам народных промыслаў, і мясцовым кулінарам, і нават сярэднявечным рыцарам. Урачыстае адкрыццё ХІХ Міжнароднага фестывалю “Дняпроўскія галасы ў Дубровне” і канцэрт-прэзентацыя калектываў-удзельнікаў запланаваны на 23 чэрвеня. Грандыёзнае шэсце ўсіх гасцей свята 24 чэрвеня будзе папярэднічаць фестывальны гала-канцэрт мастацкіх калектываў і выканаўцаў з Беларусі, Расіі, Украіны, Літвы, Латвіі, Эстоніі, Польшчы, Славакіі, Малдовы. А завершыць фестываль “Сяброўскі фэст” – сяброўская сустрэча калектываў-удзельнікаў у Кірэеўскай рошчы. Дубровенскі фестываль з кожным годам прыцягвае ўсё большую колькасць удзельнікаў і даўно ўжо не абмяжоўваецца толькі калектывамі з Беларусі, Расіі і Украіны. Сёлета ўпершыню ў свяце народнай творчасці прыняў удзел народны фальклорны харэаграфічны ансамбль «Svet Sava” з Сербіі. -0-