За ілжывы данос полацкая жыхарка правяла ў турме год

Маладая жанчына звярнулася ў дзяжурную частку Віцебскага аддзела ўнутраных спраў на транспарце і напісала заяву аб тым, што ў яе на вакзале выкралі ноўтбук, правадную мышку, 16-гігабайтную флэшку і талон на сэрвіснае абслугоўванне – амаль на Br7 мільёнаў.

Сумненні ўзніклі ў міліцыянераў на стадыі агляду месца здарэння і крыху пазней пацвердзіліся. Аказалася, ніякай крадзяжу не было: «пацярпелая» вырашыла падмануць міліцыю па просьбе сужыцеля, які пяць дзён таму ў крэдыт купіў ноўтбук, застрахаваў яго і адразу прадаў. Хітрую схему пара задумала дзеля атрымання страхоўкі.

Дзяжурны некалькі разоў папярэдзіў заяўніцу аб крымінальнай адказнасці за загадзя ілжывы данос, але марна – яна настойвала на сваім. У выніку з пацярпелай жанчына стала абвінавачанай па частцы 1 артыкула 400 КК.

Санкцыі за загадзя ілжывы данос прадугледжаны дастаткова сур'ёзныя, расказала начальнік аддзела пракуратуры Віцебскай вобласці Аксана Балеева:

– «Просты» данос цягне буйны штраф, альбо трохмесячны арышт, альбо абмежаванне волі да двух гадоў. Кваліфікаваны, то бок з абцяжваючымі абставінамі – абвінавачваннем у цяжкім злачынстве альбо са штучным стварэннем доказаў абвінавачвання (падробка рэчавых доказаў, падкуп ілжэсведкаў і г.д.), альбо данос, здзейснены з карыслівых меркаванняў, пагражае пазбаўленнем волі да пяці гадоў.

У дадзеным выпадку абвінавачаную прыгаварылі да году абмежавання волі. У калонію агульнага рэжыму яна адправілася таму, што яна здзейсніла злачынства, ужо маючы ўмоўны тэрмін за крадзяж.

Дарэчы, у 25-гадовай падманшчыцы двое малалетніх дзяцей, якіх адабралі ў яе яшчэ да здзяйснення злачынства.

Вольга КРУЧАНКАВА, СБ Беларусь Сегодня