Заробленыя на гарадскім суботніку сродкі накіруюць на добраўпарадкаванне Віцебска
Зараз найлепшы перыяд для навядзення парадку каля сваіх дамоў, на ўчастках, для падрыхтоўкі да маючай зімы. Кіраўніцтва горада заклікае ўсе працоўныя калектывы паўдзельнічаць у акцыі, бо толькі разам мы зможам зрабіць абласны цэнтр чысцейшым і прыгажэйшым. Трэба прыбраць на клумбах сухія кветкі, у парках і скверах – апалае лісце, зламаныя галіны. Гэта таксама найлепшы час для пасадкі новых дрэў.
Заробленыя 21 кастрычніка на суботніку сродкі будуць пералічаны на рахунак гарвыканкама і выкарыстаны на добраўпарадкаванне і развіццё Віцебска, стварэнне твораў манументальна-дэкаратыўнага мастацтва, архітэктурных форм, якія ўшаноўваюць памяць землякоў і прымеркаваны да важных гістарычных падзей.
Суботнік пройдзе ў рамках месячніка па добраўпарадкаванні, які стартаваў у Віцебску 16 кастрычніка. Паўдзельнічаць у ім можа кожны.