Пасяджэнне Савета ЕЭК пройдзе ў Віцебску 15 ліпеня

Засядзеньне Савета Еўразійскай эканамічнай камісіі пройдзе ў Віцебску 15 ліпеня ў вочным фармаце. Пра гэта паведаміла сёння на брыфінгу афіцыйны прадстаўнік ЕЭК Ія Малкіна, перадае карэспандэнт БЕЛТА.
"На бягучы момант у парадку дня - 17 пытанняў, - сказала Ія Малкіна. - Плануецца разгледзець пытанні, якія тычацца змяненняў адзінага пераліку каранцінных аб'ектаў ЕАЭС, адзіных каранцінных фітасанітарных патрабаванняў да падкаранціннай прадукцыі і падкаранцінных аб'ектаў на мытнай мяжы і мытнай тэрыторыі ЕАЭС, а таксама правілаў правядзення даследаванняў біялагічных лекавых сродкаў ЕАЭС".

Па словах афіцыйнага прадстаўніка ЕЭК, віцэ-прэм'еры краін ЕАЭС разгледзяць пытанні аб падрыхтоўцы міжнароднага дагавора аб фарміраванні агульнага рынку газу і рэгламентацыі часовага парадку пацвярджэння выканання тэхрэгламентаў саюза ў дачыненні да тавараў электроннага гандлю.

"Таксама на парадку дня - разгляд пытання аб стабільнай вытворчасці малочнай прадукцыі для дзіцячага харчавання пры абмежаванай даступнасці асобных відаў упакоўкі такой прадукцыі, аб асаблівасцях увозу ў ЕАЭС і абарачэння ў краінах саюза тавараў, якія падлягаюць абавязковай ацэнцы адпаведнасці, ва ўмовах мер павышэння ўстойлівасці іх эканомік, аб вызначэнні дадатковых спецыяльных спрошчанняў, якія прадастаўляюцца ўпаўнаважаным эканамічным аператарам", - дадала Ія Малкіна.

"БЕЛТА"