Адкрыўся завод па вытворчасці камбікармоў у Віцебскім раёне

Адбыўся урачысты пуск завода па вытворчасці камбікармоў у сельскагаспадарчай вытворчасці «Мазалавагаз» УП «Віцебскаблгаз».

Сельскай гаспадаркай газавікі вобласці заняліся больш за дзесяць гадоў таму. Ім перадалі гаспадарчы комплекс аддзялення «Лосьвіда», які належаў гарадוקскай птушкафабрыцы, і частку земляў аграрнага каледжа ветэрынарнай акадэміі.

Сёння СХП «Мазалавагаз» спецыялізуецца на вытворчасці малака і збожжа. У выніку рэарганізацыі плошча ворыва павялічылася амаль у дзесяць разоў і складае 3,9 тыс. га.

Пагалоўе буйной рагатай жывёлы вырасла да 2,5 тыс. галоў, дойкі малака — да 7245 кг. Развіваецца і раслінаводства: ураджайнасць збожжавых у мінулым годзе была 40,9 ц/га, збор збожжа — каля 4,9 тыс. т. Жывёлам, якія ўтрымліваюцца ў «Мазалавагазе», неабходна 4 тыс. т камбікармоў у год.

— Раней мы іх набывалі на камбінатах хлебапрадуктаў, — распавёў намеснік генеральнага дырэктара Віцебскаблгаза Канстанцін Пачэпка. — Пасля ўзвядзення завода затраты будуць парадку 2 млрд руб. (усе сумы паказаны ў цэнах да дэнамінацыі — заўв. аўт.), што на 30-35% менш, чым купля прадукцыі на баку.

Будаўніцтва завода па вытворчасці камбікармоў абышлося ў 25,2 млрд. Тэхналогія іх прыгатавання простая: у завальную яму па гарызантальных транспарцёрах загружаецца збожжа, пасля чаго з дапамогай сістэм шнэкаў і норый яно падаецца на скальператар (ачышчальнік буйных прымесей) і размяркоўваецца па бункерах. Вагі-дазатары і малатковыя дробилкі дапамагаюць здрабніць збожжа да патрэбнага памеру, затым яно змешваецца з іншымі кампанентамі. Таксама абсталяванне дазваляе рыхтавацьгрануляваныя прадукты.

— Дзякуючы перадавым тэхналогіям завод забяспечыць гаспадарку камбінаванымі кармамі для розных груп жывёлы з зададзенымі якаснымі характарыстыкамі, — удакладніў Канстанцін Анатольевіч. — Акрамя таго, павысіцца эканамічная эфектыўнасць атрымання таварнай прадукцыі жывёлагадоўлі пры адначасовым зніжэнні яе сабекошту.

— Кіраўніцтва аблвыканкама нацэлена на ўкараненне перадавых тэхналогій, — сказаў старшыня абласнога Савета дэпутатаў Уладзімір Цярэнтаў, які прыняў удзел у цырымоніі урачыстага пуску вытворчасці. — Яно з'яўляецца прыкладам для іншых, паказваючы, у якіх напрамках варта развівацца.

Эдуард Бакевіч. Фота Антона Сцепанішчава. «Віцебскія весці».