Журналісты Віцебскай вобласці прынялі ўдзел у форуме «Роля рэгіянальных СМІ ў развіцці сацыяльнага партнёрства»

 — Сёння Федэрацыя прафсаюзаў Беларусі вядзе актыўную працу па самых важных для працоўных пытаннях, якія тычацца захавання асобных працоўных калектываў, своечасовай выплаты заработнай платы і гэтак далей, – адзначыў у размове з журналістамі старшыня ФПБ Міхаіл Орда. – Для прыкладу, некалькі фактаў. За 6 месяцаў бягучага года пры непасрэдным удзеле прафсаюзных юрыстаў на працы было адноўлена 79 чалавек і върнута больш за 17 млрд. недэнамінаваных рублёў, якія былі незаконна ўтрыманы або не выплачаны наймальнікам. У кожным з гэтых выпадкаў няпростая гісторыя чалавека, які меў патрэбу ў дапамозе і якому мы змаглі дапамагчы.

Міхаіл Орда распавёў аб ініцыятывах прафсаюзаў, якія атрымалі развіццё ў гэтым годзе, сярод іх – неабходнасць павелічэння дапамогі па беспрацоўі, а таксама ўвядзенне дадатковых мер абароны для працуючых па кантрактнай форме найму. Старшыня ФПБ таксама выказаў упэўненасць у тым, што працягам гэтай сустрэчы стане плённае супрацоўніцтва Федэрацыі прафсаюзаў і рэгіянальных СМІ. Сумеснымі намаганнямі ў рэгіёнах з'явіцца больш інфармацыі пра чалавека працы, пра тое, што яго хвалюе. У сваю чаргу Лілія Ананіч адзначыла эфектыўнасць такой формы дыялогу – адкрытай пляцоўкі для зносін прэсы розных рэгіёнаў краіны і прадстаўнікоў самай масавай грамадскай арганізацыі. 

 — Каму як не рэгіянальным сродкам масавай інфармацыі лепш ведаць праблемы сваіх рэгіёнаў і самае галоўнае усебакова паказваць, як сёння вырашаюцца пытанні сацыяльнай палітыкі ў дзяржаве. Вельмі важна, каб была найшчыльнейшая сувязь праз СМІ, грамадства і дзяржава, – сказала Лілія Ананіч.

Падчас сустрэчы журналісты з рэгіянальных СМІ

цікавіліся перспектывамі работы нацыянальнага прафцэнтра ў наступным годзе, асаблівасцямі калектыўна-дагаворнага рэгулявання і іншымі напрамкамі дзейнасці прафсаюзаў.    

Алена Усцінава, прэс-служба ФПБ па Віцебскай вобласці.