Гэтая медыцынская ўстанова аналагаў у рэспубліцы не мае. Аб'яднанне ў 2015 годзе 6 дзіцячых паліклінік, абласной бальніцы на 552 ложкі і рэабілітацыйна-аздараўленчага цэнтра «Радуга» ў адзіны комплекс па аказанні медыцынскай дапамогі дзецям Віцебшчыны ўжо дало адчувальны вынік. Па словах галоўнага ўрача цэнтра Галіны Пузанавай, максімальна выкарыстоўваюцца магчымасці высокатэхналагічнага дыягнастычнага абсталявання, правядзення медыцынскай рэабілітацыі і аздараўлення, кадравы патэнцыял, забяспечана пераемнасць звёнаў аказання меддапамогі дзіцячаму насельніцтву, а вызваленыя немалыя фінансавыя рэсурсы накіроўваюцца на далейшае паляпшэнне лячэбнай базы і стымуляванне працы медыкаў.

Старшыня Палаты прадстаўнікоў Нацыянальнага сходу Беларусі Уладзімір Андрэйчанка падчас наведвання Талачынскага раёна ацаніў вынікі пяцігадовага развіцця мясцовага кансервавага завода. У паездцы кіраўніка ніжняй палаты парламента суправаджаў старшыня аблвыканкама Мікалай Шарснёў. Знаёмства з жыццём раёна пачалі з поля, дзе закладваецца аснова будучага ўраджаю. Ва ўрочышчы Каралькі ўжо ішоў пасеў яравой пшаніцы. РУП «Талачынскі кансервавы завод» сёння — гэта шматпрофільнае прадпрыемства, якое займаецца як вытворчасцю сельскагаспадарчай прадукцыі на шасці тысячах гектараў ворнай зямлі, так і яе перапрацоўкай і рэалізацыяй.