Такое рашэнне прынялі дэпутаты абласнога Савета. У рэгіёне будуць прыведзены ў адпаведнасць з нарматыўнай базай стаўкі адзінага падатку па трох відах дзейнасці: арганізацыі грамадскага харчавання — падаткі будуць зменены ў Віцебску, Наваполацку, Оршы і Полацку; дзейнасці воднага транспарту і аказанні паслуг па чыстцы і ўборцы жылых памяшканняў. Новыя стаўкі будуць набліжаны да мінімальных лічбаў.

150 работнікаў аграпрамысловага комплексу — даяркі, заатэхнікі, ветурачы атрымалі каштоўныя падарункі, а 42 лепшыя прадстаўніцы жывёлагадоўчай галіны былі ўзнагароджаны ганаровымі граматамі і падзякамі Віцебскага аблвыканкама, міністэрства сельскай гаспадаркі Рэспублікі Беларусь, рэспубліканскага і абласнога камітэтаў прафсаюза работнікаў АПК. Па выніках работы мінулага года тэмпы росту валавой сельскагаспадарчай прадукцыі склалі 105%. У 45 гаспадарках вобласці сярэдні надой склаў больш за 5 тысяч кілаграмаў малака на карову, а ў гаспадарцы «Ларынаўка» Аршанскага раёна атрымалі больш за 10 тысяч кілаграмаў – адзін з лепшых паказчыкаў па краіне. Як заўважыў кіраўнік вобласці Мікалай Шарснёў, усё гэта дае падставы лічыць, што ў жывёлагадоўчай галіне Віцебскай вобласці наступіў пералом, намецілася станоўчая дынаміка развіцця.

У першыя гадзіны працы выбарчых участкаў на іх было не вельмі шмат людзей, але ўжо цяпер сітуацыя змянілася. Галасуюць актыўна ў рэгіёнах. У Віцебску свой выбар зрабіў губернатар. Участак №23 яшчэ называюць студэнцкім, ён размешчаны ў акадэміі ветэрынарнай медыцыны, дарэчы, калісьці менавіта гэты ВНУ скончыў і сам Мікалай Шарснёў. Канкурэнцыя ў гэтым акрузе высокая: на адно месца ў гарадскі Савет прэтэндуюць адразу тры кандыдаты.

Сталічны мікрараён Веснянка ператварыўся ў сапраўдную спартыўную вёску. На «Мінскую лыжню» сабраліся тысячы ўдзельнікаў – прафесіяналы і аматары, міністры і пенсіянеры, дарослыя і дзеці. На лыжы ўсталі ўсе. Гэтай традыцыі ўжо больш за 30 гадоў.

Каля ста навукоўцаў прадставяць Віцебскую вобласць на другім з'ездзе вучоных 12-13 снежня ў Мінску. На форуме вызначаць стратэгіі і задачы развіцця навукі Беларусі да 2040 года. Чакаецца прыезд больш як дзвюх з паловай тысяч дэлегатаў, у тым ліку каля 500 замежных гасцей, вядомых навукоўцаў Саюзнай дзяржавы, СНД, вядучых замежных акадэмій навук, сусветных навукова-даследчых арганізацый і цэнтраў. Другі з'езд вучоных закліканы ацаніць зробленае, падвесці вынікі Года навукі, адзначыць праблемныя месцы і вызначыць амбіцыйныя задачы на перспектыву.

На выбарах у мясцовыя Саветы дэпутатаў з'явяцца новыя асобы і маладыя палітыкі, лічыць старшыня Цэнтрвыбаркама Беларусі Лідзія Ярмошына. У Віцебску яна правяла семінар-вучобу для членаў акруговых і тэрытарыяльных выбарчых камісій рэгіёну. Выбары і на гэты раз будуць трымацца на жаночых плячах, адзначыла Лідзія Ярмошына, — больш за 80% членаў выбаркамаў – жанчыны. А вось моладзі ў іх складзе стала менш у параўнанні з папярэдняй кампаніяй 2014-га года.

Аграгарадок Альшанка і пасёлак Акцябрскі Чашніцкага раёна атрымалі прыродны газ. Ва ўрачыстай цырымоніі запальвання сімвалічнага факела прынялі ўдзел старшыня Віцебскага аблвыканкама Мікалай Шарснёў і член Савета Рэспублікі Нацыянальнага сходу Беларусі, генеральны дырэктар «Віцебскаблгаза» Пётр Шэршань. Альшанка і Акцябрскі сталі апошняй кропкай на карце газіфікацыі малых населеных пунктаў вобласці ў 2017 годзе. Газіфікацыя сельскай мясцовасці – адна з задач дзяржаўнай праграмы "Камфортнае жыллё і спрыяльнае асяроддзе". Сёлета на Віцебшчыне прыродны газ быў падведзены да дзясятка малых населеных пунктаў.

Цэнтральная раённая бальніца Міёраў павінна прыняць першых пацыентаў на пачатку вясны наступнага года. Такую задачу паставіў намеснік прэм'ер-міністра Васіль Жарко. У райцэнтры ён правёў прыём грамадзян, а таксама пракантраляваў ход будаўніцтва сацыяльна значнага аб'екта.

Дэпутаты Віцебскага аблсавета зацвердзілі пералік населеных пунктаў, на якія будзе распаўсюджвацца ўказ Прэзідэнта Беларусі аб развіцці гандлю, грамадскага харчавання і бытавых паслуг на вёсцы і ў малых гарадах.

Расійскі рэгіён наведалі прадстаўнікі буйнейшых прадпрыемстваў і кампаній у сферы машынабудавання, харчовай і перапрацоўчай прамысловасці, прадстаўнікі гандлёва-прамысловай палаты і абласнога саюза наймальнікаў.