Пра стан спраў на палетках Віцебскай вобласці кіраўніку краіны паведаміў старшыня аблвыканкама Мікалай Шарснёў. На сённяшні дзень жніво пачалі 11 раёнаў Віцебскай вобласці. Намалочана больш за 3 тысячы тон.

Помнік воінам-сувязістам з'явіўся ў Віцебску напярэдадні святкавання Дня паветрана-дэсантных войскаў. Адкрылі яго ў ваенным гарадку ў Журжаве. На пастамент паставілі камандна-штабную машыну. Легендарная БМД-1, аснашчаная чатырма радыёстанцыямі, была на ўзбраенні віцебскіх сувязістаў падчас ваеннага канфлікту ў Афганістане. А цяпер стала прадметам гістарычным.

Пытанні будаўніцтва і ўводу ў эксплуатацыю жылых дамоў абмяркоўвалі сёння на адкрытым пасяджэнні Віцебскага аблвыканкама. Амаль 140 тысяч квадратных метраў агульнай плошчы жылых дамоў уводзіцца ў эксплуатацыю ў Віцебскай вобласці за першае паўгоддзе 2017 года. Гэта 55 працэнтаў ад гадавога задання. Адна з асноўных праблем – даўгабуды. Так, ужо ў трэці раз пераносіцца ўвод шматпавярховага дома ў Оршы.

Пагадненне аб рэалізацыі праекта па будаўніцтве сучасных малочна-таварных ферм на тэрыторыі вобласці падпісалі Віцебскі аблвыканкам і кітайская кампанія Drex Food Group. Праект прадугледжвае з боку кітайскіх партнёраў 200 мільёнаў долараў прамых інвестыцый. Яны будуць накіраваны на будаўніцтва буйнейшага ў нашай краіне біякомплекса.

У гасцях: Аляксандр Хрыстафораў, старшыня камітэта па працы, занятасці і сацыяльнай абароне Віцебскага абласнога выканаўчага камітэта.

Галоўная мэта работы дэпутацкага корпуса – рэалізацыя праграмы сацыяльна-эканамічнага развіцця Паўночнага рэгіёну, рашэнне праблемных пытанняў, павышэнне дабрабыту і якасці жыцця яго жыхароў. Зразумела, што без напаўнення бюджэту выканаць усе пастаўленыя задачы неверагодна складана. Шэсць месяцаў работы ў бягучым годзе даюць мажлівасць рабіць аптымістычныя прагнозы.

Вішнёвы фестываль праходзіў на працягу тыдня. У святочнай праграме – вішнёвыя спаборніцтвы, канцэрты, дыскатэкі. На сталах прысмакі на любы густ. За музычнае афармленне адказваюць лепшыя баяністы. Вішнёвыя найгрышы разліваліся па ўсім райцэнтры.

Запісаўся ён у будынку былой базавай школы. Год таму каля 30 навучэнцаў тут атрымлівалі веды, сёння аздараўленчы лагер прымае сотню дзяцей з розных куткоў Гарадоцкага раёна і, нават, з Расіі. Адкрыццю лагера папярэднічаў рамонт і пераабсталяванне былых класаў. Сродкі на гэта знайшлі ў выніку аптымізацыі навучальных устаноў.

Яны прадугледжаны Указам №240 «Аб дзяржаўнай падтрымцы грамадзян пры будаўніцтве ці рэканструкцыі жылых памяшканняў», які Прэзідэнт Беларусі падпісаў 4 ліпеня. Цяпер ільготныя крэдыты змогуць выдаваць і камерцыйныя банкі. Аднак пры гэтым частку выплат або па працэнтах, або па асноўным доўгу возьме на сябе дзяржава. Атрымальнікі субсідый – усе грамадзяне, якія маюць права на дзяржаўную падтрымку ў адпаведнасці з указам №13 Прэзідэнта Беларусі. Грошы будуць выплачваць па чарзе і адрасна. Першымі з 16 катэгорый ільготнікаў на падтрымку змогуць разлічваць шматдзетныя сем’і.

12 хлопчыкаў і 13 дзяўчынак, сярод якіх — пара двайнят. Маладых маці і немаўлят, якія з'яўляліся на свет у Дзень Незалежнасці, павіншавала грамадскае аб'яднанне «Белая Русь».

Да 10 ліпеня Віцебск павінен быць цалкам гатовы да прыёму 26-га фестывалю «Славянскі базар». Такую задачу паставіў намеснік прэм'ер-міністра Беларусі і старшыня арганізацыйнага камітэта па правядзенні форуму Васіль Жарко. Для гарадскіх і абласных службаў фестываль – своеасаблівы экзамен на трываласць. Горад чакае тысячы гасцей, а таму нават невялікая недаробка можа стаць лыжкай дзёгцю ў бочцы мёду. Асноўная ўвага арганізатараў форуму – удзельнікам і гасцям. Іх чакаецца каля 5 тысяч з 38 краін свету. Размясціцца яны ў 12 гасцініцах і гатэлях фестывальнай сталіцы. Акрамя асноўных аб'ектаў харчавання, у кругласутачным рэжыме будуць працаваць вулічныя кафэ. Працягласць гандлёвых радоў на вуліцах Віцебска — каля 10 кіламетраў. Працягнецца і рэжым работы грамадскага транспарту. Яго рэжым будзе адкарэкціраваны з улікам начных канцэртаў. Цяпер апошнія падрыхтоўчыя работы вядуцца ў раёне летняга амфітэатра. Першых гасцей фестываль мастацтваў прыме ўжо на гэтым тыдні. Афіцыйнае адкрыццё форуму адбудзецца 13 ліпеня. Усяго запланавана каля 130 мерапрыемстваў. Асноўныя з іх будуць трансліравацца ў эфіры каналаў Беларусь1, Беларусь3, Беларусь 24.

Указ №239 дае права мясцовым камбінату будаўнічых матэрыялаў і малочнаму камбінату прадаваць жылыя дамы ў пасёлку Копысь з прыцягненнем ільготных крэдытаў работнікам прадпрыемстваў, якія пражываюць у гэтых дамах, з пераводам на іх доўгу па крэдытах і захаваннем умоў выдачы. Акрамя таго, кіраўнік дзяржавы падпісаў распараджэнне аб мадэрнізацыі Аршанскага інструментальнага завода. Дакумент накіраваны на тэрміновы пачатак работ па абнаўленні вытворчага корпуса прадпрыемства. Нагадаем, 21 красавіка падчас паслання парламенту і беларускаму народу Аляксандр Лукашэнка даручыў прывесці ў парадак і надаць эканамічны імпульс да развіцця Оршы, Барані і Балбасава. Згодна з комплексным планам па развіцці раёна да 2020 года, на працягу некалькіх гадоў усе стратныя прадпрыемствы павінны наладзіць эфектыўную працу, захаваць працоўныя месцы і павысіць заработную плату.

Пра гэта заявіў Надзвычайны і Паўнамоцны Пасол Рэспублікі Малдова ў Рэспубліцы Беларусь Віктар Сарачан падчас візіту ў Віцебскую вобласць. Літаральна месяц таму ён прыступіў да сваёй дыпламатычнай місіі і мае намер бліжэй пазнаёміцца з эканамічным патэнцыялам Прыдзвінскага рэгіёну. Аб'ём тавараабароту з Рэспублікай Малдова ў сярэднім за год складае 10 мільёнаў долараў. Сёлета ён вырас і толькі за першы квартал склаў 4 мільёны. І гэтыя паказчыкі могуць быць значна большымі, - упэўнены Пасол Малдовы.

У Віцебску прайшоў рэгіянальны семінар, прысвечаны пытанням інфармацыйнага забеспячэння сацыяльна-эканамічнага развіцця вобласці і задачам сродкаў масавай інфармацыі. Прадстаўнікі органаў дзяржкіравання, Беларускага саюза журналістаў, кіраўнікі газет і тэлеканалаў разгледзелі актуальныя напрамкі работы СМІ, абмеркавалі рэаліі існавання перыядычных выданняў, а таксама тэлебачання і радыё ў сучасным інфармацыйным полі. Асобную ўвагу надалі тэме інтэрнэту.

Камунальнікі наводзяць парадак у горадзе, спецыяльныя службы адпрацоўваюць няштатныя сітуацыі, разбіраюцца квіткі на канцэрты, пачынаюць паступаць у продаж сувеніры з сімволікай форуму. Толькі на забеспячэнне пажарнай бяспекі ў цэнтры горада будуць працаваць 30 адзінак тэхнікі і паўтары сотні супрацоўнікаў МНС. Акрамя таго, службу будуць несці 7 пешых пастоў, якія ўкамплектуюць першаснымі сродкамі пажаратушэння. А тым часам паліцы магазінаў папаўняюцца фестывальнымі сувенірамі. У гэтым годзе змяніўся галоўны сімвал форуму – васілёк. Ён трансфармаваўся ў дыван жыцця, у якім сплятаецца жыццё чалавека, яго творчасць, дзейнасць, думкі. Гэты трэндавы васілёк з'явіцца на магнітах, кубках, бірульках і майках. У пачатку ліпеня пачнуць работу тэхнічныя службы, якія будуць усталёўваць дэкарацыі і абсталяванне на сцэне Летняга амфітэатра. У форум мастацтваў Віцебск акунецца з 10 па 19 ліпеня.