Урачыстасці пачаліся з самага ранку. У гэтым годзе арганізатары вырашылі адрадзіць традыцыю вулічнага шэсця ад плошчы Леніна да плошчы Перамогі. Да манумента воінам-вызваліцелям усклалі вянкі і кветкі. Ваенныя Віцебскага гарнізона прайшлі ўрачыстым маршам. У адрас ветэранаў і ўдзельнікаў вайны прагучалі словы шчырай падзякі.

Старшыня аблвыканкама Мікалай Шарснёў напярэдадні сустрэўся з прадстаўнікамі сродкаў масавай інфармацыі рэгіёну.

Кіраўнік Урада азнаёміўся з работай некалькіх прадпрыемстваў: Аршанскага інструментальнага завода, ільнокамбіната. Акцэнтаваў увагу на асваенні вытворчасці новых відаў прадукцыі, у тым ліку экскаватарнай тэхнікі, у адкрытым акцыянерным таварыстве «Амкадор-КЭЗ» у Коханаве.

Сёння Міжнародны дзень вызвалення вязняў фашысцкіх канцлагераў. Мерапрыемствы, прымеркаваныя да гэтага дня, праходзяць па ўсёй вобласці. Вучні трэцяй віцебскай гімназіі імя Пушкіна запрасілі ў госці былых вязняў. Такія сустрэчы – сапраўдныя ўрокі мужнасці. На тэрыторыі абласнога цэнтра ў гады фашысцкага ліхалецця дзейнічала 5 канцлагераў. Адзін з найбуйнейшых – «Пяты полк». Сёння на яго месцы прайшоў мітынг і цырымонія ўскладання кветак.

Пытанні ўмацавання ўзаемных гандлёва-эканамічных і гуманітарных сувязяў Віцебскай і Астраханскай абласцей Расійскай Федэрацыі абмеркавалі падчас сустрэчы ў каспійскай сталіцы старшыня Віцебскага аблвыканкама Мікалай Шарснёў і губернатар Аляксандр Жылкін. У гэтыя дні бізнес-дэлегацыя Прыдзвінскага краю знаходзіцца там з афіцыйным візітам.

У бліжэйшыя пяць гадоў у эканоміку рэгіёну плануецца прыцягнуць больш за 10 мільярдаў рублёў, у тым ліку 670 мільёнаў долараў ЗША. Яны будуць накіраваны на рэалізацыю інвестыцыйных праектаў з высокай доляй навукаёмістых і рэсурсазберагальных тэхналогій, стварэнне сумесных прадпрыемстваў, у тым ліку імпартазамяшчальнай накіраванасці.

Рэалізацыю праграмы «Інавацыйнае развіццё льняных комплексаў Беларусі і Расіі» плануюць пачаць у 2018 годзе. Праект канцэпцыі разгледзелі ў Оршы на выязным пасяджэнні камісіі Парламенцкага сходу Саюзнай дзяржавы па бюджэце і фінансах. Дэпутаты таксама абмеркавалі актуальныя пытанні рэгіянальнага супрацоўніцтва і наведалі мясцовыя прадпрыемствы.

Да юбілейнай даты ў Віцебску ўрачыста адкрылі абноўлены музей міліцыі і мемарыяльны знак у памяць загінуўшых пры выкананні службовага абавязку. Лепшых праваахоўнікаў і ветэранаў службы ўзнагародзілі ганаровымі граматамі і юбілейнымі медалямі.

Беларусь даведалася імёны найлепшых спартсменаў. Журы, у склад якога ўвайшлі вядомыя журналісты, атлеты і спартыўныя функцыянеры, выбрала найбольш годных. На працягу месяца галасавалі і заўзятары. Галоўны крытэр для намінантаў – не толькі Алімпіяда, але і вынікі, паказаныя на сусветных арэнах у 2015 і 2016 гадах. Для таго, каб ніякі спартыўны подзвіг не быў забыты. За сціплай усмешкай і шыкоўным вячэрнім касцюмам гамяльчанка Марыя Мамошук хавае зусім няшмат смутку ад таго, што не прывезла з Рыа залаты медаль. Была блізкая і да фіналу супраць японкі і не прайграла ніводнай схваткі за год! І ўсё роўна яе срэбра назвалі прарывам года. Марыя – першая ў гісторыі суверэннай Беларусі спартсменка, якая выйграла алімпійскі медаль на барцоўскім дыване. «Гэта была мая Алімпіяда і нічыя больш», – казала Маша ў Бразіліі. Але спорт, як і дзяўчаты, непрадказальны. Толькі прыляцеўшы дадому, яна пачала працаваць перад новым алімпійскім цыклам. І будзе ў Токіа самым маладым прэтэндэнтам на золата. Найлепшы «Вынік года» ў Марыны Арзамасавай – першая не цемнаскурая чэмпіёнка свету ў бегу на 800 метраў. Два гады заслужанаму майстру спорту даводзілася змагацца не толькі з сабой. А цяпер яшчэ і з хваробай (у спартсменкі пнеўманія, але яна абяцае ўжо праз месяц вярнуцца да стартаў) – таму ўзнагароду атрымлівае трэнер Марыны. Так склалася, што амаль усе ўзнагароды сёння… у прыгожага полу. Самыя яркія эмоцыі 2015-га. Тое, пра што і казалі арганізатары. Але ці можна забыць гэта біятлоннае цуд? Вялікі крыштальны глобус Дар'і Домрачавай. Сёння трохразовая алімпійская чэмпіёнка зноў прызнана найлепшай спартсменкай Беларусі, а гэта ўжо меркаванне заўзятараў. Праўда, Даша сама прыехаць за ўзнагародай не змагла – не дазволіў предолімпійскі тыдзень у Паўднёвай Карэі. А гэта ўжо радасна Віцебск. Адзіны Алімпійскі чэмпіён Рыа – першы залаты батутыст Беларусі Уладзіслаў Ганчароў – найлепшы спартсмен, а яго настаўніца Вольга Уласава – найлепшы трэнер. Ці магло быць інакш? І нават кітайцы, якія

Парад войскаў і мітынг прайшлі ў Віцебску з нагоды Дня абаронцы Айчыны і Узброеных сіл Рэспублікі Беларусь. Кіраўніцтва вобласці, прадстаўнікі дэпутацкага корпуса, прадпрыемстваў і грамадскіх арганізацый, ветэраны і школьнікі сабраліся на плошчы Перамогі каля манумента воінам, партызанам і падпольшчыкам. Вялікая ваенна-патрыятычная праграма пачалася з ускладання кветак і вянкоў да помніка воінам-вызваліцелям. Пасля некалькі батальёнаў прайшлі ўрачыстым маршам, а рота ганаровай варты выступіла з аркестрам. Яшчэ каля сотні віцяблян 23 лютага акунуліся ў вайсковыя будні. На тэрыторыі 103-й гвардзейскай асобнай мабільнай брыгады ладзіўся дзень адкрытых дзвярэй. У гасцях людзі розных пакаленняў. Адны ацэньвалі выставу зброі і ваеннай тэхнікі, іншыя назіралі за падрыхтоўкай парашутыстаў.

9 зборных – прадстаўнікоў сілавых ведамстваў і каманда аблвыканкама аспрэчылі званне наймацнейшай у стральбе з пісталета Макарава ў ціры на ваенным палігоне ў Лосвіда.