На сваіх працоўных месцах працавалі работнікі дзяржаўных і прыватных прадпрыемстваў, вяскоўцы працавалі ў полі — у вобласці пачынаецца масавая сяўба. Нямала людзей выйшла на аб'екты будаўніцтва жылля і рэканструкцыі медыцынскіх устаноў, добраўпарадкавалі воінскія пахаванні і прыводзілі ў парадак паркі і скверы, займаліся падрыхтоўкай турыстычных баз да летняга сезона. У Віцебску ў лік асноўных аб'ектаў суботніка ўвайшлі парк Пераможцаў, рэканструкцыя канцэртнай залы "Віцебск", дзе, як і ў Летнім амфітэатры, праходзяць мерапрыемствы фестывалю мастацтваў "Славянскі базар", а таксама дзіцячы сад, які будуецца ў новым мікрараёне Білева. Недалёка ад гэтага мікрараёна ўзводзіцца віцебскі заасад, тут удзельнікі суботніка займаліся падрыхтоўкай пляцоўкі пад будаўніцтва. Гараджане аказалі дапамогу Воранаўскаму дому-інтэрнату для састарэлых і інвалідаў у навядзенні парадку на прылеглай тэрыторыі. Усяго ў суботніку прынялі ўдзел больш за 525 тыс. жыхароў вобласці. У фонд рэспубліканскага суботніка паступіла Br2,16 млрд.

У конкурсе бяруць удзел муж і жонка ва ўзросце да 31 года і іх дзеці. У абласных турах будуць спаборнічаць сем'і, якія атрымалі перамогу на раённых конкурсах, што стартавалі 1 чэрвеня.

На шосты дзень пасля выяўлення цела мужчыны 1992 года нараджэння ў ходзе аператыўна-следчых дзеянняў выяўлена асоба, падазроная ў гэтым жорсткім злачынстве. Ім аказаўся жыхар Віцебска 1971 года нараджэння, раней судзімы за крадзеж аўтатранспартнага сродку (судзімасць пагашана. - Заўв. БЕЛТА).

Непрацуючы жыхар пасёлка Бабінічы Аршанскага раёна 1991 года нараджэння, паводле даных праваахоўнікаў, з сакавіка па кастрычнік 2010 года размясціў у свабодным доступе для ўсеагульнага прагляду ў глабальнай камп'ютарнай сетцы Інтэрнэт на асабістай старонцы карыстальніка ў сацыяльнай сетцы восем відэазапісаў парнаграфічнага зместу.