\"Першапачаткова мы планавалі выйсці на гэты паказчык да 2015 года, але цяпер ставім амбіцыйную задачу - выйсці на долю мясцовых відаў паліва ў балансе прадпрыемстваў ЖКГ да 75% да 2013 года\", - сказаў старшыня Віцебскага аблвыканкама Аляксандр Косінец. Ужо сёння Віцебская вобласць па гэтым паказчыку апярэджвае іншыя рэгіёны і рэспубліку у цэлым. Доля мясцовых відаў паліва ў балансе прадпрыемстваў ЖКГ Беларусі складае 40,8%. \"У нас не атрымлівалася зрабіць гэтага раней, бо не было патрэбных катлоў, - растлумачыў кіраўнік Віцебскай вобласці. - Цяпер жа мы гатовыя цалкам змяніць структуру паліўнага балансу\". Навукова-вытворчае прадпрыемства \"Белкатломаш\" створана ў 1990 годзе і з'яўляецца адным з вядучых вытворцаў кацельнага абсталявання ў Рэспубліцы Беларусь. Прадпрыемства спецыялізуецца на распрацоўцы і вытворчасці водаграйных і паравых катлоў, якія працуюць на розных відах паліва (вадкім, цвёрдым і газападобным).