У вёсцы Стары Добруньскага сельсавета Лёзненскага раёна 6 чэрвеня ўрачыста перапахавалі астанкі 36 абаронцаў Айчыны. Чырвонаармейцы загінулі падчас Вялікай Айчыннай вайны. Імёны некаторых удалося высветліць. Телерадиокомпания «Витебск» © 2019

Абласны фестываль-кірмаш працаўнікоў вёскі «Дажынкі-2019» пройдзе восенню ў Браславе. Падрыхтоўка да свята ўжо ідзе поўным ходам. У цэлым мадэрнізацыя, рамонт і рэканструкцыя закрануць каля 100 аб'ектаў. Як зменіцца Браслаў, што будзе пабудавана з нуля, а што зменіцца да непазнавальнасці? Ход падрыхтоўкі да свята хлебаробаў абмеркавалі на пасяджэнні аблвыканкама. Тэлерадыёкампанія «Віцебск» © 2019

Масавая нарыхтоўка кармоў пачнецца ў Віцебскай вобласці на наступным тыдні. Аграрыі рэгіёну рыхтуюцца правесці кампанію арганізавана і тэхналагічна. Што неабходна для таго, каб нарыхтаваць максімальную колькасць якасных кармоў, як з аднаго поля сабраць два ўраджаі, і ў чым перавагі корму, запакаванага ў стрэйч-плёнку? Майстар-клас па нарыхтоўцы кармоў прайшоў на палях Глыбоцкага раёна. Правёў яго старшыня Віцебскага аблвыканкама Мікалай Шарснёў. Тэле радыё кампанія «Віцебск» © 2019

Навучэнцы Ульскага ліцэя сельскагаспадарчай вытворчасці імя Даватара перамаглі ў абласным конкурсе аратых. У спаборніцтвах узялі ўдзел усе 11 устаноў сярэдняй і прафесійна-тэхнічнай адукацыі Віцебскай вобласці, якія рыхтуюць трактарыстаў-машыністаў. Будучыя хлебаробы здавалі тэорыю і дэманстравалі практычныя навыкі кіравання трактарам. Майстэрства маладых трактарыстаў ацаніў і старшыня Віцебскага аблвыканкама Мікалай Шарснёў.

Больш за 80 дэлегацый з дзвюх дзясяткаў краін свету прымаюць удзел у VIII Міжнародным эканамічным форуме ў Віцебску. Агульная колькасць удзельнікаў — больш за 450 чалавек. Сярод гасцей — прадстаўнікі буйных бізнес-кампаній, гандлёвых прадстаўніцтваў і дыпламаты.

Падвядзенне вынікаў абласных конкурсаў на прэмію «Віцязь» і прэмію імя Францыска Скарыны, заахвочванне лепшых журналістаў і прэс-канферэнцыя, дзе агучаны самыя актуальныя тэмы сённяшняга дня. Напярэдадні прафесійных святаў - дня друку і дня работнікаў радыё, тэлебачання і сувязі кіраўнік Віцебскай вобласці Мікалай Шарснёў правёў сустрэчу з журналістамі Віцебшчыны. Вектар ТВ.

Цэнтрам урачыстасцей 9 Мая ў Віцебску па традыцыі стала плошча Перамогі. Тут прайшоў урачысты мітынг з удзелам ветэранаў, абласных і гарадскіх уладаў, жыхароў і гасцей абласнога цэнтра. Удзельнікі святочных мерапрыемстваў усклалі вянкі і кветкі да вечнага агню ля помніка воінам-вызваліцелям, партызанам і падпольшчыкам. Тэлерадыёкампанія «Віцебск».

У Дзень Працы — першага мая — у Віцебску прайшлі святочныя мерапрыемствы. Цэнтрам мерапрыемстваў стала плошча Перамогі. Тут сабраліся прадстаўнікі калектываў, працоўныя дынастыі, ветэраны працы і прафсаюзнага руху, якіх адзначылі ўзнагародамі. Больш падрабязна ў сюжэце ТРК «Віцебск».

Да Першамая ў Віцебску ўрачыста адкрылі абноўленыя абласную і гарадскую дошкі гонару. На іх — прадпрыемствы, якія ў 2018-ым годзе дасягнулі выдатных паказчыкаў у сферы сацыяльна-эканамічнага развіцця і эканоміі паліўна-энергетычных і матэрыяльных рэсурсаў. Якія галоўныя крытэрыі для занясення на дошку гонару і хто трапіў у лік пераможцаў? Пра ўсё па парадку ў рэпартажы ТРК «Віцебск».

Прэм'ер-міністр Беларусі Сяргей Румас па выніках наведвання прадпрыемстваў АПК Докшыцкага раёна акцэнтаваў увагу на асноўных кампанентах поспеху і рэнтабельнасці сельскагаспадарчых прадпрыемстваў. Кіраўнік выканаўчай улады краіны азнаёміўся з вытворча-фінансавым станам і перспектывамі развіцця адкрытых акцыянерных таварыстваў «Бегамльская» і «Таргуны», ходам правядзення вясновых палявых работ. Якія былі зроблены высновы і на што варта зрабіць упор у рабоце? Удакладняла здымачная група ТРК «Віцебск».

Сітуацыя на рынку працы стала прадметам абмеркавання на пасяджэнні Віцебскага аблвыканкама. Статыстыка па рэгіёне, асноўныя праблемы ў гарадах і раёнах.

Старшыня Віцебскага аблвыканкама Мікалай Шарснёў 21 сакавіка правёў сустрэчу з Надзвычайным і Паўнамоцным Паслом Чэшскай Рэспублікі ў Беларусі Тамашам Перніцкім. Абмяркоўваўся шырокі спектр пытанняў з акцэнтам на ўмацаванне партнёрскіх сувязяў і развіццё супрацоўніцтва. На сустрэчы дасягнута папярэдняя дамоўленасць аб тым, што сёлета ў рэгіён наведаюцца чэшскія бізнесмены. Плануецца арганізаваць і адказныя візіты ў Чэхію.

Пераможцаў міжнародных прадметных алімпіяд ушанавалі ў Віцебскім аблвыканкаме. Героі дня — Марк Карнейчык, Антон Жыльцоў, Мацвей Новіцкі. Кіраўнік рэгіёна Мікалай Шарснёў уручыў адораным маладым людзям і іх педагогам падзякі.

Вынікі працы за 2018 год падвяло ўпраўленне спорту і турызму Віцебскага аблвыканкама. Асноўнае дасягненне — спартсмены рэгіёна займаюць другое месца ў рэспубліцы па колькасці медалёў, заваяваных на міжнародных спаборніцтвах.

Прыбытак ад продажу аб'ектаў дзяржаўнай маёмасці ў Віцебскай вобласці летась павялічыўся больш чым на 60% у параўнанні з 2017 годам. Гэтая лічба была агучана на падагульняючай калегіі камітэта дзяржаўнай маёмасці аблвыканкама. Летась у рэгіёне правялі 644 аўкцыёны.