«Віцебская вобласць можа і павінна дасягнуць валавага збору збожжа ў аб'ёме 2 млн. т, дамагчыся ўраджайнасці не менш за 40 ц/га і надояў больш за 5 тыс. кг ад адной каровы», — упэўнены губернатар. Для выканання пастаўленых задач працягнецца праца па павелічэнні ўрадлівасці земляў, будзе мадэрнізавацца машынна-трактарны парк. У наступным годзе яго папоўняць 500 камбайнаў. У 2013 годзе плануецца завяршыць будаўніцтва 35 збожжасушыльных комплексаў. Значнае абнаўленне чакае жывёлагадоўчую галіну. Акрамя рэканструкцыі 228 малочна-таварных ферм, якая завершыцца да канца бягучага года, у вобласці закладзена будаўніцтва 77 новых малочна-таварных комплексаў.

З 1 снежня па 7 студзеня ў абласным цэнтры штотыднёва па выхадных днях будуць праходзіць кірмашы-распродажы тавараў па зніжаных цэнах з удзелам арганізацый прамысловасці, гандлю, грамадскага харчавання, бытавога абслугоўвання насельніцтва, а таксама тых, хто ажыццяўляе вытворчасць і перапрацоўку прадукцыі раслінаводства і жывёлагадоўлі. Для правядзення кірмашоў вызначаны чатыры пляцоўкі.

Напярэдадні ўдзень у Аршанскі РАНС паступіла паведамленне аб абрушэнні столявага перакрыцця ў нежылым шлакаблочным аднапавярховым сараі. Прыбыўшыя да месца здарэння ратавальнікі выявілі заціснутага пад заваламі мужчыну 1982 года нараджэння. З выкарыстаннем спецыяльнага інструмента пацярпелы быў дэблакаваны, аднак выратаваць яго не ўдалося.