«Рэальная дынаміка інфляцыі ў мінулым перыядзе знаходзілася ў межах прагнозных параметраў, што на фоне стабільнай эканамічнай сітуацыі ў краіне дазволіла працягнуць паступовае зніжэнне стаўкі рэфінансавання», — растлумачылі ў Нацыянальным банку. Устанаўленне такога ўзроўню стаўкі рэфінансавання захавае бягучую жорсткасць грашова-крэдытнай палітыкі, што будзе спрыяць запаволенню інфляцыі і стварэнню ўмоў для яе істотнага зніжэння ў сярэднетэрміновай перспектыве.

Віцебск сёння ператворыцца ў цэнтр педагагічных ведаў. 27 лютага тут упершыню адкрываецца міжрэгіянальны педагагічны форум "Вопыт лепшых - здабытак усіх", паведамілі карэспандэнту БЕЛТА ў Віцебскім абласным інстытуце развіцця адукацыі.

Пачынаецца напружаная праца ў складзе міжнароднага журы конкурсу маладых выканаўцаў эстраднай песні "Віцебск-2012". Нягледзячы на тое, што першым конкурсным днём лічыцца 14 ліпеня, маладыя выканаўцы ўжо сёння зладзілі канцэрт-прэзентацыю, на якім прысутнічалі члены журы.

Дваццацігадовая віцяблянка, студэнтка адной з расійскіх ВНУ, знаходзячыся ў родным горадзе, незаконна набыла 44 г небяспечнага наркатычнага сродку - марыхуаны. З мэтай далейшага продажу расфасавала яго прыкладна роўнымі часткамі ў 30 папяровых пакетаў, якія затым вазіла ў сваім заплечніку па горадзе і збывала знаёмым.