На возеры Белае каля вёскі Азіна 22 ліпеня збяруцца амататары незвычайнай рыбалкі. На працягу гадзіны ім давядзецца рукамі лавіць ракаў. Паводле папярэдніх дадзеных, у спаборніцтве збіраюцца прыняць удзел каля 40 каманд, у кожнай з якіх па два ўдзельнікі. Як адзначылі ў райвыканкаме, возера Белае з'яўляецца любімым месцам адпачынку жыхароў Полацка і Наваполацка, таму арганізатары спадзяюцца, што да заяўленых удзельнікаў далучацца адпачывальнікі.

Міністэрства замежных спраў Латвіі сумесна з Цэнтрам культуры "Віцебск" і яго філіялам "Цэнтр нацыянальных культур" арганізуюць выставу з інтрыгуючай назвай – "Латвія з вышыні птушынага палёту". Яе прэзентацыя адбудзецца 12 лістапада ў канцэртнай зале "Віцебск". Аўтар работ – фотамастак Юрыс Калныньш, які з 1995 года займаецца аэрафотаздымкай.

Пра здарэнне міліцыі стала вядома 15 верасня ў 17.40. Занепакоены мужчына паведаміў, што яму патэлефанавала на мабільны тэлефон жонка і паведаміла, што яны з дачкой заблукалі ў лесе. Пошукі пачаліся адразу ж. Да меркаванага месца знаходжання зніклых адправіліся 25 супрацоўнікаў Аршанскага РАУС, да якіх далучыліся 2 экіпажы МНС на аўтамабілях і міліцыянеры Богушэўскага аддзела Сенненскага РАУС. Усяго каля 40 чалавек былі задзейнічаны ў пошуках.

Прыёмныя камісіі ўстаноў адукацыі другога патоку як дзяржаўнай, так і прыватнай формы ўласнасці (акрамя завочнай і вячэрняй формы атрымання адукацыі ва ўстановах адукацыі сельскагаспадарчага профілю) на ўсе формы атрымання адукацыі пачнуць 16 ліпеня прыём дакументаў ад абітурыентаў.