У вобласці абраны 3 тыс. 528 дэпутатаў, якія змогуць прыступіць да працы ў складзе 240 мясцовых саветаў. Вакантнымі пакуль застаюцца адзін дэпутацкі мандат у раённым і адзін у сельскім саветах у Дубровенскім раёне. "Па гэтых акругах кандыдаты ў дэпутаты балатаваліся на безальтэрнатыўнай аснове і не змаглі ў выніку атрымаць больш за 50% галасоў выбаршчыкаў", - растлумачыў Уладзімір Мядзялец. У адпаведнасці з выбарчым кодэксам па гэтых акругах будуць прызначаны паўторныя выбары. За ходам галасавання сачылі больш за 2,7 тыс. унутраных назіральнікаў, якія ў асноўным былі акрэдытаваны непасрэдна ва ўчастковых выбарчых камісіях.