Значны аб'ём інвестыцыйных укладанняў спатрэбіцца для завяршэння работ на шэрагу сацыяльна значных аб'ектаў абласнога цэнтра. У горадзе трэба ўвесці ў эксплуатацыю школу і дзіцячую дашкольную ўстанову ў новым мікрараёне Білева, Дом правасуддзя, другую чаргу марфалагічнага корпуса і бібліятэкі медыцынскага ўніверсітэта. Трэба правесці вялікую работу на аб'ектах аховы здароўя, у тым ліку ў лячэбных установах абласнога падпарадкавання. Будуць працягнуты добраўпарадкаванне сквера на плошчы Леніна, будаўніцтва прыстаняў і паглыбленне фарватэра ракі Заходняй Дзвіны, рэканструкцыя вуліцы Гагарына і іншых транспартных магістраляў абласнога цэнтра. У будучым годзе плануецца накіраваць значныя сродкі на бягучы і капітальны рамонт жылога фонду, а аб'ём жыллёвага будаўніцтва павінен скласці 270 тыс. кв. м.

Незвычайнае свята, галоўнымі героямі якога стануць коні, упершыню ў Беларусі адбудзецца 5-6 чэрвеня. Яго праграма ўключае выставу-продаж коней і амуніцыі, спаборніцтвы па трэйлу, адукацыйныя семінары з удзелам спецыялістаў па конегадоўлі і шматлікія забавы для ўсёй сям'і: конкурсы, катанні на конях, касцюміраваны парад гэтых жывёл.

Кіраўнік беларускай дзяржавы выказаў надзею на далейшую пазітыўную дынаміку двухбаковых кантактаў Беларусі і Францыі.