Па стане на 22 верасня, нарыхтавана зялёнай масы каля 1,7 млн.т, сярэдняя ўраджайнасць складае 241 ц/га. У Бешанковіцкім, Гарадоцкім, Дубровенскім, Лёзненскім, Полацкім і Расонскім раёнах кармавая кукуруза ўбрана цалкам, гаспадаркам яшчэ пяці раёнаў засталося скасіць менш за 10% плошчаў, адведзеных пад гэту культуру.

За студзень-чэрвень на тэрыторыі рэгіёна зарэгістравана 6,2 тыс. злачынстваў. Узровень злачыннасці на 10 тыс. насельніцтва склаў 51,2 (па рэспубліцы – 55,2). Значна скарацілася за мінулы перыяд колькасць забойстваў (на 30%), разбойных нападаў (на 40,6%), рабаванняў (на 19,5%), згвалтаванняў (на 61,5%), крадзяжоў аўтатранспарту (на 52,2%), хуліганскіх дзеянняў (на 53,9%), фактаў махлярства (на 38,7%). На 13,1% зменшылася колькасць рэцыдыўных злачынстваў, на 10,2% – здзейсненых групай асоб, на 23,7% – непаўналетнімі. Таксама назіраецца зніжэнне злачынных дзеянняў у грамадскіх месцах і ў сферы сямейна-бытавых адносін.

Мінпрыроды і ўстанова "Цэнтр экалагічных рашэнняў" 15 верасня правялі фінальную частку акцыі, запрасіўшы да ўдзелу ў ёй усіх ахвотных. На заклік ачысціць планету ад смецця адгукнуліся больш за 3 тыс. жыхароў вобласці: школьнікі, студэнты, прадстаўнікі арганізацый, грамадскіх аб'яднанняў, пенсіянеры.