Бясплатна пракаціцца на лодцы па Заходняй Дзвіне можна ў Бешанковічах. Аднак для мясцовых жыхароў гэта, хутчэй, звычайнасць, чым забава. Адсутнасць стацыянарнага моста ўскладняе перамяшчэнне на процілеглы бераг.

У Гарадку каля аграрна-тэхнічнага каледжа затрымалі 30-гадовага вяскоўца, які збіраўся расправіцца з былой сужыцелькай. Цяпер яму пагражае 10 гадоў пазбаўлення волі.

Калі дзе і ёсць рай на зямлі, то ён знаходзіцца ў Верхнядзвінскім раёне, на стыку межаў трох краін: Беларусі, Латвіі і Расіі. І ў гэтай простай ісціне перакананы ўсе, хто хоць аднойчы акунуўся ў атмасферу яднання народаў на лясной паляне ля Кургана Дружбы.

Сёння ў супрацоўнікаў суда Ушацкага раёна наваселле. Яны перабіраюцца ў новы двухпавярховы будынак, узведзены на вуліцы Савецкай. Раней раённы суд знаходзіўся ў старым жылым доме на вуліцы Базарнай. Там было ўсяго тры пакоі. Архіў размяшчаўся ў хляве. А зала судовага пасяджэння, дарэчы, з пячным ацяпленнем, займала памяшканне ў суседнім будынку.

XIII Міжнародны праваслаўны моладзевы фестываль "Адыгітрыя" збярэ ў вёсцы Бернікі пад Віцебскам больш за 200 удзельнікаў з Беларусі, Расіі і Украіны

Унікальная выстава са збору Музея старажытнабеларускай культуры адкрылася ў Мастацкім музеі Віцебска. Як растлумачыў Барыс Лазука, дырэктар установы культуры, створанай пры Нацыянальнай акадэміі навук, такая экспазіцыя знаходзіцца ў нашым абласным цэнтры ўпершыню.