Кантралёр першай катэгорыі аддзялення пагранічнага кантролю “Мольдзевічы” Ілона Барташэвіч заняла першае месца ў рэспубліканскім конкурсе на званне “Лепшы кантралёр”. Пагранічная служба – няпростая. Жанчыны нароўні з мужчынамі-ваеннаслужачымі здаюць нарматывы, ходзяць на начныя дзяжурствы. І толькі кантралёры першай катэгорыі пасля здачы адпаведнага экзамену атрымліваюць права працаваць з пашпартамі. — На праверку дакумента адводзіцца ўсяго некалькі хвілін, і за гэты час трэба пераканацца ў тым, што дакумент сапраўдны, што ў ім няма падчыстак, паправак, не пераклеены фотаздымак, — расказвае Ілона.