У спаборніцтве бяруць удзел экіпажы камбайнаў і маладыя работнікі сельгаспрадпрыемстваў (члены маладзёжных экіпажаў і вадзіцелі, занятыя на адвозцы збожжа, не старэйшыя за 31 год). Уладальнікі ўзнагарод у выглядзе памятных дыпломаў і прэмій стануць вядомыя па ходзе ўборкі ўраджаю. Так, экіпаж, які першым намалаціў 1 тыс. т збожжа, будзе заахвочаны прэміяй у 10 базавых велічынь, за пераадоленне рубяжа ў 1,5 тыс. т экіпаж атрымае ўзнагароджанне таксама ў памеры 10 базавых велічынь. Наступнымі вынікамі для заахвочвання вызначаны намалоты збожжа ў 2 тыс. т і 2,5 тыс. т, дасягненне якіх будзе адзначана прэміямі па 12 базавых велічынь. Уладальнікам узнагароджання ў 15 базавых велічынь стане экіпаж збожжаўборачнага камбайна, які першым пераадолеў рубяж у 3 тыс. т збожжа. Маладыя спецыялісты змогуць паўдзельнічаць у барацьбе за шэсць прызоў, якія заснаваны аддзелам па справах моладзі аблвыканкама сумесна з прафсаюзам АПК.