Паводле даных на 22 ліпеня, у вобласці ўбрана 42,5 тыс. га пасяўных плошчаў, што складае 9,4% збожжавага кліну. Намалочана 120,1 тыс. т збожжа пры сярэдняй ураджайнасці 28,3 ц/га.

Рэалізацыя праграмы сацыяльна-эканамічнага развіцця вобласці на 2006-2010 гады дазволіла павялічыць выпуск спажывецкіх тавараў у 1,7 раза. Стабільна прырастае вытворчасць палімернай плёнкі, экскаватараў, мэблі, ільновалокна, дывановых вырабаў, абутку, прадуктаў малочнай і мясной перапрацоўкі. Рознічны тавараабарот і экспарт тавараў узрослі ў 1,9 раза. У вобласці працуюць 4,7 тыс. крам, 39 гандлёвых цэнтраў, 96 фірменных крам, 63 рынкі. Для абслугоўвання жыхароў малых вёсак, дзе адсутнічае стацыянарная гандлёвая сетка, задзейнічаны 134 аўтакрамы: два разы на тыдзень яны забяспечваюць таварамі 4,5 тыс. населеных пунктаў, у якіх пражываюць 80,6 тыс. чалавек. Інвестыцыі ў асноўны капітал за час дзеяння праграмы выраслі больш чым у 2 разы.