Сорак прадпрыемстваў Віцебскай вобласці сертыфікавалі ў 2009 годзе сваю вытворчасць на адпаведнасць сістэме менеджменту якасці серыі ІСА 9001. Пра гэта карэспандэнту БЕЛТА паведамілі ў Віцебскім цэнтры стандартызацыі, метралогіі і сертыфікацыі. У ліку тых, хто прайшоў сертыфікацыю, СП ТАА "Фортэкс - водныя тэхналогіі", Віцебскі домабудаўнічы камбінат, Віцебская абласная друкарня і інш. Усяго ж сістэма ІСА 9001 укаранёна на 219 прадпрыемствах рэгіёна. Актыўна працуюць над павышэннем якасці прадукцыі прадпрыемствы харчовай галіны. На 30 з іх ужо ўкаранёна сістэма кіравання якасцю і бяспекай харчовых прадуктаў на аснове аналізу рызык і крытычных кантрольных кропак (HACCP), у тым ліку ў 2009 годзе - на СП ТАА "Прадактбізнес", Верхнядзвінскім масласырзаводзе, Віцебскім кандытарскім камбінаце "Віцьба" і Камбінаце кааператыўнай прамысловасці Пастаўскага райпо.