Усяго яравыя культуры пасеяны на плошчы звыш 39 тыс. га, што складае больш за 10% да плана, у тым ліку яравымі збожжавымі і зернебабовымі засеяна больш за 37 тыс. га, або 15% ад задання. Паступова тэмпы пасяўных работ узрастаюць. Так, за 15 красавіка засеяна каля 8,5 тыс. га, а для завяршэння работ у аптымальныя тэрміны неабходна выходзіць на штосутачны прырост у 15-16 тыс. га, адзначылі ў камітэце. Да сяўбы прыступілі ўсе раёны вобласці, у лідарах гаспадаркі Аршанскага (пасеяна 4,9 тыс. га, або каля 18% да плана), Віцебскага (3,1 тыс. га, 11,4%), Талачынскага (2,7 тыс. га, 9,8%) і Чашніцкага (2,5 тыс. га, 17,9%) раёнаў. Усяго для правядзення работ падрыхтавана звыш 800 камбінаваных агрэгатаў, але з-за стану глебаў у працу ўключылася пакуль толькі каля 60%.

Рашэнне ўшанаваць найлепшых працаўнікоў вобласці было прынята два гады таму, і гэтая акцыя стала сапраўдным святам. На гэты раз цырымонія ўзнагароджання праходзіла ў Нацыянальным тэатры імя Янкі Купалы.

За першае паўгоддзе ўведзены ў эксплуатацыю памяшканні для ўтрымання буйной рагатай жывёлы ў камунальным сельгаспрадпрыемстве "Рыдамльскі" на 400 галоў, пасля рэканструкцыі ў ААТ "Янавіца-агра" на 200 галоў, лінія па вытворчасці рапсавага масла магутнасцю 59,5 т у суткі на ААТ "Глыбоцкі камбікормавы завод", першы пускавы комплекс зімовых цяпліц плошчай 5 га ў ААТ "Рудакова" і іншыя аб'екты. Структура інвестыцый у бягучым годзе таксама змянілася. Асноўны аб'ём па арганізацыях, падпарадкаваных аблвыканкаму, быў асвоены за кошт крэдытных рэсурсаў, удзельная вага якіх склала 47,9% у агульным аб'ёме інвестыцый пры тэмпе росту да аналагічнага ўзроўню 2010 года 126,4%. Аб'ём льготных крэдытных рэсурсаў перавысіў 85% агульнага аб'ёму асвоеных крэдытаў. Ніжэй за ўзровень мінулага года выкарыстоўваліся сродкі арганізацый: іх удзельная вага ў першай палове бягучага года скарацілася ў параўнанні з аналагічным перыядам мінулага года з 18,5% да 16,2%. Доля бюджэтных крыніц інвестыцый зменшылася з 22,7% у студзені-чэрвені 2010 года да 20,2% за шэсць месяцаў бягучага года.