Значна палепшыліся ўмовы працы супрацоўнікаў упраўлення Следчага камітэта па Віцебскай вобласці. Напярэдадні Новага года тут адбылася знакавая падзея — пасля рэканструкцыі і мадэрнізацыі было ўрачыста адкрыта адміністрацыйны будынак па адрасе: Маскоўскі праспект, 51а.

Як адзначалася на пасяджэнні гарвыканкама, XXIV Міжнародны фестываль мастацтваў «Славянскі базар у Віцебску» пройдзе з 9 па 13 ліпеня, дадатковыя мерапрыемствы — 7, 8 і 14, 15 ліпеня. Геаграфія фестывалю ахоплівае пяць кантынентаў і з кожным годам пашыраецца за кошт новых краін.

У Віцебскай вобласці завяршаецца выплата матэрыяльнай дапамогі да 70-годдзя Перамогі, паведамілі ў камітэце па працы, занятасці і сацыяльнай абароне аблвыканкама. Матэрыяльную дапамогу ўжо выплацілі больш чым 8,2 тыс. чалавек. Грошы не атрымалі толькі восем чалавек, якія выехалі за межы Беларусі. Месца знаходжання кожнага вядома, і пытанні атрымання імі або іх афіцыйнымі прадстаўнікамі матэрыяльнай дапамогі будуць вырашаны ў бліжэйшы час, запэўнілі спецыялісты.

З 9 па 11 чэрвеня ў нацыянальным павільёне Рэспублікі Беларусь на Сусветнай выстаўцы «ЭКСПО-2015» у Мілане (Італія) прайшлі Дні Віцебскай вобласці. У рамках мерапрыемства адбылася прэзентацыя эканамічнага, інвестыцыйнага і прамысловага патэнцыялу рэгіёна. Наведвальнікі экспазіцыі даведаліся аб развіцці мяса-малочнай галіны і дрэваапрацоўкі, праектах па вытворчасці тэлескапічных пад'ёмнікаў і навеснага абсталявання, выпуску нестандартных металаканструкцый, а таксама аб выкарыстанні тэхналогій водаачысткі і водападрыхтоўкі. Акрамя таго, свой патэнцыял на міжнародным узроўні прадэманстравалі вышэйшыя навучальныя ўстановы Прыдзвіння.

Эканамічны патэнцыял сумежных рэгіёнаў Беларусі і Расіі спрыяе наладжванню ўзаемавыгадных кантактаў, аднак існуючы таваразварот застаецца нізкім, адзначыў Аляксандр Косінец. Старшыня Віцебскага аблвыканкама прапанаваў свайму калегу разгледзець магчымасць стварэння гандлёвых дамоў у Віцебску і Пскове, сумесным прадпрыемстваў па вытворчасці будматэрыялаў і металаапрацоўцы. Развіццё турыстычнай індустрыі таксама можа быць узаемавыгадным. Па выніках сустрэчы дасягнута дамоўленасць аб стварэнні рабочай групы па падрыхтоўцы пагаднення аб супрацоўніцтве паміж Віцебскай і Пскоўскай абласцямі. Па словах губернатара Пскоўскай вобласці, асаблівая ўвага пры распрацоўцы дакумента будзе нададзена эканамічнаму супрацоўніцтву. Як мяркуе Андрэй Турчак, дакумент можа быць падпісаны ўжо ў ліпені.

«Усё больш індыйскіх кампаній укладваюць сродкі ў розныя праекты за мяжой. Для гэтага ў Індыі ёсць дастаткова ўласных сродкаў і чалавечых рэсурсаў. І гэты працэс не павінен абысці Беларусь, бо тут напрацавана добрая навукова-тэхнічная база», — сказаў Рамеш Чандра.