Міжнародны конкурс выканаўцаў эстраднай песні «Віцебск-2015» па-ранейшаму застаецца галоўнай інтрыгай «Славянскага базару». І яна вырашылася – Гран-пры прысуджаны выканаўцу з Казахстана Дзімашу Кудайбергену. Згодна з умовамі конкурсу, яго ўдзельнікі пераадолелі два этапы творчага спаборніцтва: паўфінал, па выніках якога з 21 выканаўцы выбралі 15, і фінал, які расцягнуўся на два дні.

Дырэктарскі корпус аграрнага сектара эканомікі папоўніўся новымі кадрамі. Змены закранулі такія прадпрыемствы, як ААТ «Глыбоцкая птушкафабрыка», аддзяленне Наваселле ААТ «Шаркаўшчынскі агратэхсэрвіс», ААТ «Ведрынскае-Агра» Чашніцкага раёна.

Дакумент быў падпісаны падчас візіту дэлегацыі Пастаўскага раёна ў эстонскі горад Йыхві. Яна азнаёмілася з інфраструктурай і працай асноўных службаў управы воласці, наведала прадпрыемствы, установы культуры і спартыўныя аб'екты.

Першыя партыі сухога малака аб'ёмам 100 т штомесяц пачне пастаўляць Полацкі малочны камбінат. З наступнага года аб'ёмы паставак плануецца павялічыць утрая. Аршанскі ільнокамбінат пачаў перамовы з кітайскімі вытворцамі аб пастаўках ільновалокна. Акрамя таго, партыя згушчонага малака адпраўлена ў Кітай для праходжання працэдуры сертыфікацыі. У пастаўках згушчонкі зацікаўлена адна з буйных кітайскіх гандлёвых сетак.