У Беларусі ў 20.00 закрыліся ўсе выбарчыя ўчасткі, на якіх праходзіла галасаванне па выбарах Прэзідэнта краіны, паведамляе карэспандэнт БЕЛТА.

Ініцыятыва, інвестыцыі і інавацыі стануць ключавымі фактарамі развіцця эканомікі Віцебскай вобласці ў найбліжэйшым пяцігоддзі. Заявіў на ўрачыстай цырымоніі прысваення ганаровага звання "Чалавек года Віцебшчыны" старшыня Віцебскага аблвыканкама, член Савета Рэспублікі Аляксандр Косінец, перадае карэспандэнт БЕЛТА. У 2010 годзе тэмп росту прамысловай вытворчасці склаў 117% да ўзроўню 2009 года, пабудавана 618 тыс. кв.м жылля. Аднак у 2011 годзе стаяць больш напружаныя задачы. У прыватнасці, тэмп росту вытворчасці прамысловай прадукцыі плануецца на ўзроўні 120%, выпуск інавацыйнай прадукцыі павінен скласці 21% у агульным аб'ёме. Рэнтабельнасць продажаў у прамысловасці павінна скласці 15%, у аграпрамысловым комплексе - не менш за 10%. Поспех рэгіёна залежыць ад працы кожнага жыхара - прадукцыйнасць працы неабходна падвоіць, каб дамагчыся пастаўленых вынікаў, сказаў Аляксандр Косінец. Разам з тым будзе ўзмоцнена і матывацыя працы. Напрыклад, аблвыканкам ужо разглядае магчымасць у наступным годзе ўладальнікаў ганаровага звання "Чалавек года Віцебшчыны" узнагароджваць аўтамабілямі.